Kelly Khumalo o humbula u vha na nwana wa vhuna

Muimbi wa Afrika Tshipembe Kelly Khumalo o bvisela khagala uri a nga kha ḓi vha a sa athu fhedza u alusa muṱa wawe zwa zwino.

Mutambi wa ṋaledzi we a wina pfufho, ane a vha mme wa vhana vhararu, zwenezwino o vusa nyambedzano kha inthanethe nga murahu ha musi o sumbedzisa uri u ḓo takalela u vha na muṅwe ṅwana.

Khumalo o kovhelana muhumbulo uyu musi a tshi khou amba lwa tshifhinganyana na vhafuni vhawe kha zwileludzi zwa vhudavhidzani musi a tshi khou posa zwinepe na ṅwana wawe muṱuku, Luna Khumalo.

Kha post , muimbi wa luimbo Ngathwala Ngaye o swaswa nga ha uri ṅwana wawe muṱuku kanzhi u fhedza a tshi mu fhelekedza dzirestuarente naho a tshi nga vha a sa zwi funi.

O ṅwala nga nḓila yo vhofholowaho a ri, “U ḓiwana u tshi khou ya resturant u sa zwi funi.”

Post yo ṱavhanya ya wana phindulo u bva kha vhatevheli vhe vha vha vha tshi takalela tshifhinga tsha mme na ṅwana.

Muṅwe mufuni o ṋea vhupfiwa ha uri mathomoni vho vha vha tshi humbula uri ṅwana muṱuku wa Khumalo u ḓo vha mutukana.

• VHALANI HAFHU: Kaze una mulaedza kha vhatikedzi vha Kaizer Chiefs

Musi a tshi fhindula zwe zwa ambiwa, muimbi o dzumbulula uri a nga vha a tshi kha ḓi vha na fulufhelo ḽa u ṱanganedza muṅwe mutukana.

“Ndi na mutukana muthihi na vhasidzana vhavhili ,ndi ṱoḓamuṅwe mutukana muthihi,” o fhindula.