Orbit yo khwathisedza mutambo na Orlando pirates
Orbit College FC yo khwathisedza lwa tshiofisi zwidodombedzwa zwa mutambo wayo une wa khou da kha Betway Premiership na Orlando Pirates.
Mutambo wo lavhelelwaho vhukuma u ḓo vha hone nga Mugivhela wa ḽa 23 May stadium tsha Mbombela.
Thikhithi dza hoyu mutambo dzi khou lavhelelwa u rengiswa nga u ṱavhanya.
Mutambo wo vha wo dzudzanywa u thomani uri u farelwe tshitediamu tsha Olympia Park ngei Rustenberg.
Fhedzi tshitediamu tsho vha tshi sa nga ngoni u fara mutambo uyo nga ḽeneḽo ḓuvha, nahone Mswenko Boys yo vha i tshi fanela u ṱoḓa tshiṅwe.
Vho livhuwa vhoṱhe vha kwameaho kha tshumisano yavho kha u wana tshitediamu tsho teaho tsha u farela mutambo uyu.
“Mutambo uyu u imela tshiṅwe tshiṱeidzhi tsha ndeme kha lwendo lwa ḓivhazwakale lwa Orbit College FC lwa u ya kha Betway Premiership,” ho amba tshigwada kha tshitatamennde.
Kiḽaba yo khwaṱhisedza vhuḓikumedzeli hayo ha u ṋetshedza vhuṱambo ho dzudzanywaho zwavhuḓi vhune ha sumbedza vhuimo ha ḽigi na muya wa bola ya milenzhe ya Afrika Tshipembe.
Arali Orlando Pirates ya kunda mutambo wayo na Durban City ngei Orlando Amstel Arena nga Mugivhela, Orbit i do tea u vha thonifha sa dzingwenya .
Buccaneers i kha ḓi vha na phoindi tharu fhedzi kha u wina tshiphuga tshe tsha vha tshi zwanḓani zwa Mamelodi Sundowns lwa miṅwaha ya malo yo fhiraho.