Lawrence Maleka kha Ḓirama ntswa Critical But Stable

O vhuya kha tshikirini tshashu e na mushumo muswa wa u ranga phanḓa. Lawrence Maleka ndi tshipiḓa tsha vhatambi vha re na vhukoni ha nṱhesa vha Critical But Stable.

Mutevhe wa dirama wa zwipida zwa 13 u do bviswa kha Mzansi Magic nga murahu ha vhege mbili fhedzi.

Critical But Stable i tevhela vhutshilo ha ramabindu ane a khou tambula, Duke, we a vhofha khonani dzawe kha vhufhura ha ndindakhombo u itela u tshidza mufumakadzi wawe ane a khou lwala na bindu ḽawe ḽine ḽa khou kundelwa.

Duke na khonani dzawe dza vhuṱukuni ndi miraḓo ya stokvel tsha jazz tshine tsha vhidzwa Khula.

Ndi stokvel tsha matshilisano na nḓila ya u ṱuṱuwedza vhushaka na u tikedzana kha u tsireledza mbingano dzavho na miṱa yavho.

Vhathomi vha tshigwada ndi Duke; Soli, ane a nga si vhuye a hola tshelede yo eḓanaho u takadza mufumakadzi wawe ane a ṱoḓa zwithu zwinzhi;

Mzi, ane a ṱoḓa tshelede ya u badela yunivesithi ya mutukana wawe nahone a dzumba tshiphiri tsha uri ha kone u fusha mufumakadzi wawe nga zwa vhudzekani;

• VHALANI HAFHU: Lerato Mokoka kha ḽitambwa ḽiswa ḽa Mzansi Magic, Isibimbu 

Na Thabo, we a vha o pwashea, a sa shumi, nahone o pandelwa hayani hawe nga mufumakadzi wawe we a vha o fhambana nae.