Letoya Makhene u khoda Lunako lwa Makhulu Wawe Ouma Lily

Vha ha Makhene zwenezwino vho pembelela ḓuvha ḽa mabebo ḽa muraḓo wavho wa muṱa wa kalesa.

Ouma Lily o fara minwaha ya 103 yothe nahone u kha di vhonala o khwatha. Muṱa wo ita uri a wane vhuṱambo ho teaho Queen ane a vha yone.

Ouma Lily ndi mme a mutambi wa kale Blondie Makhene. Vhaḓuhulu vhawe vha vhasidzana vha ḓivheaho ndi mutambi wa matambwa na muimbi Letoya, Pauline na Gontse.

Nga mulandu wa u vha kha mbekanyamushumo ya  The Makhenes, Ouma Lily, zwino u a divhea u dovha hafhu avha na  vhafuni vhawe.

Kha mbekanyamushumo, ine ya vha yo ḓala nga ḓirama, u imela u dzika, mvelele na lufuno funo.

U bva kha mbekanyamushumo, zwi tou vha khagala uri vha ha Makhene vha na thaidzo, fhedzi u vha hone ha Ouma Lily zwi khwaṱhisa muṱa, zwi sumbedza ndila na mavhonele musi dzikhakhathi dzi tshi khou anda.

U hwala vhuleme ha vhuḓipfi ha muṱa na u bvisela khagala lutamo lwa vhuthihi, u fhodzwa na mulalo.

 Vhanzhi vho mangala uri u kha ḓi vhonala o naka hani nahone e muswa. Ouma Lily na ene u na tshitaila, nahone kha ḓuvha ḽawe ḽihulwane, o rwela nga  rokho yavhuḓi ya Nina Sedumedi Brand.

• VHALANI HAFHU: Mosimane u ita khuwelelo ya uri hu vhe na mveledziso ya bola Afrika Tshipembe

U isa kha zwileludzi zwa vhudavhidzani, Letoya o kovhelana zwiṅwe zwithu zwi bvaho kha vhuṱambo ha ḓuvha ḽa mabebo ḽa Ouma Lily, nahone a dovha a mu khoḓa nga lunako lwawe.

“u na miṅwaha i fhiraho ḓana mara u kha ḓi vha o naka u fana na kale ,” Letoya