Lerato Mokoka kha ḽitambwa ḽiswa ḽa Mzansi Magic, Isibimbu 

Lerato Mokoka we a tamba tshipida tsha Tshiamo kha Gomora, u khou vhuelela kha TV nga litambwa la Isibimbu.

Miṅwahani mivhili yo fhiraho, Mokoka o vha o farakanea nga u ṅwala matambwa a TV na u bveledza mihumbulo miswa.

O vhuyelela kha zwa u tamba nahone u khou tamba tshipiḓa tsha Naledi Khoza, kha ḽitambwa ḽiswa ḽa Mzansi Magic.

Kha nyambedzano yawe na Sowetan, Mokoka o bvukulula uri vhathu a vha athu hangwa Tshiamo.

Naho ho no fhela ṅwaha ḽitambwa ḽo fheliswa, o tenda uri zwenezwi zwo ita uri a ṱhogomele nḓila ye Gomora ya vha na mvelelo ngayo.

Mokoka o amba uri lwa miṅwaha miṱanu o vha a tshi tshilela mushumo fhedzi. O vha a tshi thithiswa nga mitshato na vhuṱambo ha muṱa.

Zwe zwa mu thusa vhukuma nga murahu ha musi o no ṱutshela thelevishini, u ri ndi vhushaka hawe na vhatambi vhe a vha a tshi shuma navho kha Gomora.

U katela na Ama Qamata, Nandipha Khubone na Siyasanga Papu. Mokoka o vhudza Sowetan uri ndi kale a tshi ṱoḓa u shuma ‘behind the scenes’ ngauri ndi zwe a gudela zwone.

O amba uri nga murahu ha Gomora o mbo ḓi zwi vhona uri ndi zwa ndeme u ḓi bveledza sa muṅwali wa ḓirama dza TV. O shuma kha  thandela dzi ngaho Obstruction na Soft Life.

• VHALANI HAFHU: Cyan Boujee o vhuya kha  Social Media

Tshipikwa tshawe tsho vha tshi tsha u ḓi bveledza hafhu sa muṅwali wa ḓirama ya TV, a sa athu vhuya sa mutambi wa matambwa.