Miguel Cardoso u amba nga ha Saleng kha Downs

Vho-Miguel Cardoso vho bvisela khagala uri vho lingedza hani u wana zwivhuya kha Monnapule Saleng ubva tshe a dzhena kha tshigwada tsha Mamelodi Sundowns.

Saleng u kha ḓi vha kha Sundowns nga murahu ha musi o dzhena a tshibva kha tshigwada tsha Orlando Pirates nga ṅwedzi wa Phando.

Fhedzi-ha, kushumele kwawe kha mitambo i si gathi yo fhiraho a ho ngo vha havhuḓi kana sa zwe zwa vha zwo lavhelelwa zwone.

U TIMATIMA

Vhaṅwe vho thoma u sumbedza mbilaelo dza uri tshitaila tshawe tsha u tamba a tshi tendelani na tsha Sundowns.

Fhedzi Miguel Cardoso u khou khwaṱhisa uri vha ḓo wana nḓila ya khwine ya u shumisa Monnapule Saleng kha thimu yawe.

“Ndi lavhelela uri vhatambi vhanga vha pfesese muzika une wa khou lidziwa na u tshina ngawo,” ho amba Cardoso.

“Hezwi zwi amba uri ndi a ḓivha mutambi muṅwe na muṅwe na zwine a vha na vhukoni khazwo nahone ndi lingedza nga nungo dzoṱhe uri vha ḓigeḓe.

“Fhedzi vha fanela u pfesesa zwine mutambo muṅwe na muṅwe wa zwi ṱoḓa na u ita zwine zwa ṱoḓea nga tshenetsho tshifhinga.”

MUSHUMO WO FHAMBANAHO

“A ri athu vha na tshifhinga tshinzhi tsha u guda na Saleng u itela u mu ḓowela zwine thimu ya ita.

“Ngauralo ri khou lingedza u shumisa zwine a vha nazwo nga mvelo nṱhani ha u mu vhea kha sisiṱeme ya thimu.”

• VHALANI HAFHU: Senegal ḽo dzhielwa tshiphuga tsha Afcon 2025 

Musi vha tshi tamba na Gallants, Saleng o ṋewa mushumo wo fhambanaho, he a si kone u tamba sa zwe a vha o lavhelelwa zwone.