Ertugral o sasaladza tsheo ya Caf ya Afcon

Mugudisi wa kale Vho-Muhsin Ertugral vho sasaladza “maitele” a tshiimiswa tshi langaho bola ya milenzhe ya Afrika nga murahu ha tsheo i tshuwisaho ya u ṋea Morocco Tshiphuga tsha Dzitshaka dza Afrika (Afcon).

Caf zwenezwino yo bvisa Senegal kha tshiphuga tshe ya tshi wina minwedzi mivhili yo fhiraho nga murahu ha mbilaelo ya Morocco.

Tshiphuga tsho ṋewa Morocco nga murahu ha musi vhalanguli vha Caf vho wana uri Senegal yo pfuka milayo nga u litsha mutambo.

Hezwi zwo itea kha mutambo wa u fhedzisela he vhatambi vha Senegal vha sinyuswa nga tsheo ya refiri vha bva mudavhini.

Tsheo ya Caf ya u dzhiela Senegal tshiphuga tsha Afcon na u tshi ṋea Morocco yo vusa khanedzano.

Ertugral o ṱalusa tsheo sa “isonisaho”, a ri yo vula muṋango u re na khombo”.

O sumbedza mbilaelo ya uri mvelelo dzo shandukiswa nga murahu ha vhege nnzhi  mutambo wo tambiwaho lwa miniti ya 120.

“U nga si fhelise final wa mbo ḓi gungula nga u ṱavhanya nga ha mvelelo,” Ertugral o ralo.

“U fulufhela maitele a re mudavhini, kana roṱhe ri a tendelana uri maitele a u langa bola o tshinyala.

“Kha nṋe a hu na iṅwe nḓila.U lulamisa vhukhakhi ndi tshipiḓa tsha bola ya milenzhe ya musalauno.

“Fhedzi kha nṋe, u ṅwalulula hafhu mvelelo ya ndeme nga murahu ha musi mutambo wo no fhela zwi vula vothi ḽi re na khombo.

“Hezwi a si zwa thimu yo khetheaho. Ndi zwa u tevhela tsheo dza mudavhini.

“Ṋamusi ndi Senegal. Matshelo? A thi vhoni u nga zwo tea,” Ertugral o engedza.

• VHALANI HAFHU: Miguel Cardoso u amba nga ha Saleng kha Downs

Kha hoyu mugudisi, mulandu u kha Caf fhedzi hu si kha vhatambi vhe vha vha vhe mudavhini nga ḽeneḽo ḓuvha ḽa khombo.