Gabisile Tshabalala u pembela u huliswa ha luimbo lwawe
Zwi dzula zwi tshi takadza u vhona vhukoni vhu tshi dzhielwa nṱha.
Muṅwe wa vhenevho ndi Gabisile Tshabalala, ane a khou penya sa mutambi wa matambwa, muthu wa TV na muimbi.
Vhanzhi vha ḓivha Gabisile sa mutambi wa matambwa u bva kha mbekanyamushumo dzi ngaho Hola Mpinji, Intersexions, Single Guyz, Scandal!, Housewives, The Black Door, Pound 4 Pound, Muvhango na dziṅwe nnzhi.
O kona kha mishumo yawe yoṱhe, zwa ita uri a vhe muṅwe wa vhatambi vha khwiṋe .
U bva nga 2017 u swika nga 2018 o ḓiitela dzina sa muthu wa Tv, a tshi vha muhashi wa mutevhe wa series dzo fhambanaho dza SABC1 #TBT, khathihi na Skhumba Hlophe.
Nga nnda ha TV na u tamba dzifilimu, Gabisile ndi muimbi wa vhukoni.
Miṅwahani i si gathi yo fhiraho, o vha a tshi khou imba khathihi na muṅwe mutambi, Motlatsi Mafatshe kha zwiṅwe zwiitea.
Ṅwaha wo fhiraho, vho bvisa luimbo lwavho lune lwa pfi, Dali Dali.
Luṅwe lwa nyimbo dza Gabisile, Normaflower lu khou ita zwithu zwi mangadzaho hafho nnḓa.
Luimbo lu shumiswa kha muvi wa zwipiḓa zwiraru une wa tamba kha Mzansi Magic.
Gabisile u dzhia hezwi sa khuliso khulwane, nahone a isa phanḓa na u livhuwa vha Stop Nonsense Media kha u dzhielwa nṱha.