Yolanda u swaya ḓuvha la lifhasi la Vitiligo nga mulaedza wa maanḓa
U tshila na vhulwadze ha lukanda a zwi ngo leluwa. Yolanda Monyai o amba nga ha nḓila ye a vha a tshi ḓipfa ngayo nga ha vhulwadze hawe ha Vitiligo.
O vha a tshi zwi dzumba kha vhathu a tshi shumisa makeup, na u ḓi fukedza nga zwiambaro.
Hezwi zwo vha zwi tshi khou itiswa nga maanḓa nga mihumbulo yoṱhe yo khakheaho yo ṱanganaho na tshiimo tsha lukanda.
Mutambi wa reality show we a wina pfufho, modele, DJ na muthu wa nyanḓadzamafhungo o vha a si na vhulwadze ha vitiligo, u swika musi e na miṅwaha ya 22.
Nga tshenetsho tshifhinga, o vha a sa ḓivhi uri ndi mini, nahone nḓila ya khwiṋe ya u sedzana nayo ho vha hu u vhu thivhedza.
Mihumbulo yo khakheaho malugana na vitiligo na yone a yo ngo thusa, zwa ita uri a dipfise zwinwevho nga hazwo.
Nga murahu ha minwaha ya u dzumba tshiimo tshawe, Yolanda o dzhia tsheo ya u vhu ṱanganedza, na u ambara lukanda lwawe nga fulufhelo.
Zwino ndi muṅwe wa vhaḓivhalea vhashu vhane vha khou tshila nga nḓila yavhuḓi na vitiligo, vha tshi ṱuṱuwedza vhaṅwe uri vha tevhele.
“Ndo vha ndi tshi zwi dzumba, Nga murahu nda khetha u vha zwone.
“Namusi ndi duvha la lifhasi la Vitiligo, a thi khou sokou swaya duvha heli, ndi khou sumbedza tsumbo ya zwine zwa itea musi u tshi litsha u dzumbama wa thoma u vhofholowa nga lukanda lwau.
“Vitiligo a i dzhii kha inwi. I ni ṋea tshiṱori tshine a hu na muthu ane a nga tshi anetshela. ” Yolanda o ralo.