Parker o amba nga ha mutambo wa u thoma na Siwelele

Mugudisi wa TS Galaxy Vho-Bernard Parker vhari vha khou tanganedza poindi ye vha i wana nga murahu ha musi vho tamba 2-2 na Siwelele kha mutambo wa u vula khalanwaha ya Betway Premiership nga Swondaha.

Naho zwo ralo, o amba uri vhukhakhi vhuvhi ndi hone vhune ha fhungudza tshikhala tsha thimu yawe tsha u kunda mutambo.

Mutambo wa Free State Stadium wo vha wo tshinyadzwa nga zwiwo zwinzhi zwi tshuwisaho, zwine zwa katela vhukhakhi ha vhalindavhuno, vhukhakhi ha vhatsireledzi, khadi tswuku na zwikoro zwiṋa.

Vho-Bernard Parker vhari thimu yavho i tea u langa mutambo khwine uri i kone u vha na tshikhala tsha khwine tsha u kunda.

“Ro vha ri sa koni u langa mutambo nga tshifhinga tsha ndeme,” o bvela phanḓa.

“Ro vha ri si na aggression ine ra i ṱoḓa, naho ro sika zwikhala zwinzhi.

“Arali ro vha ro ita vhukhakhi vhuṱuku, ro vha ri tshi nga kunda mutambo,” o ralo.

Vho amba uri vha khou tenda uri mugudisi wa Siwelele Vho-Lehlohonolo Seema na vhone vha do lila vhukhakhi ha thimu yavho.

•  VHALANI HAFHU  Yeye u amba nga ha tshigwada tsha Kaizer Chiefs

Bernard Parker o tholiwa sa mugudisi muhulwane wa TS Galaxy musi khalanwaha i sa athu thoma nga murahu ha musi o shuma sa mugudisi wa tshifhinganyana musi Adnan Beganovic a tshi pandelwa nga ṅwedzi wa Ṱhafamuhwe.

“Kha nne, u thoma nga heyi ndila sa mugudisi muhulwane ndi zwavhudi.”

“Zwa ndeme ndi uri ndo takala nga ndila ye vhatambi vha shuma ngayo” ndi Parker a tshi phetha.