Pitso o khoḓa mishumo ya mugudisi wa Bafana Bafana  Broos

Mugudisi wa kale wa thimu ya Bafana Bafana Vho-Pitso Mosimane vho khoda mushumo wa Vho-Hugo Broos.

Hezwi vho zwi ita nga murahu ha musi Afrika Tshipembe ḽo ita ḓivhazwakale nga u swika kha  round of 32 kha world cup lwa u tou thoma.

Fhedzi vha ri muhali wa vhukuma musi Bafana i tshi kunda south Korea ho vha hu mutambi wa Orlando Pirates, Thalente Mbatha.

Musi vha tshi khou amba na Smash Sports, Vho-Pitso Mosimane vhari Vho-Hugo Broos vho fhindula vhane vha vha sasaladza nga ndila yo teaho, nga u ita mushumo wavho mudavhini.

“Hoyu wo vha u mutambo we wa sumbedza vhuṱali vhuhulwane ha Hugo Broos,” ho amba Mosimane.

 Pitso Mosimane o amba uri u vhuyelela ha Hugo Broos kha sisiṱeme ya u tamba ya tshiofisi ndi tsheo ye ya ita phambano khulwane.

 Musi Teboho Mokoena o imiswa, Mbatha o shumisana na Sphephelo Sithole vhukati ha mudavhi, he a ita mushumo muhulwane wa u imisa south Korea.

  “Fhedzi muhali wa vhukuma ho vha hu Thalente Mbatha,” ho bvela phanḓa Vho-Mosimane.

• VHALANI HAFHU : Yolanda u swaya ḓuvha la lifhasi la Vitiligo nga mulaedza wa maanḓa

“Musi a tshi tamba a u mu vhoni nga maanḓa ngauri u ita mushumo wawe o fhumula.

“Fhedzi musi a siho, ndi musi muṅwe na muṅwe a tshi vhona uri ndi wa ndeme lungafhani. O vha e muhali a sa ḓivhei kha gundo iḽi.”