Dineo Ranaka u vhuyelela kha TV nga Sip and Talk Season II

Mbekanyamushumo nnzhi dza Mzansi Magic dzi khou vhuya kha khalaṅwaha ntswa.

Iṅwe ya dzenedzo ndi Sip and Talk, ine hu si kale i ḓo bvisa tshipiḓa tshayo tsha u thoma tsha khalanwaha yayo ya vhuvhili.

Mbekanyamushumo iyi i khou farwa nga Dineo Ranaka, muṅwe wa vhahashi vha khwiṋesa vhe shango ḽa vhuya ḽa vha navho.

Sip and Talk i vhuya u vhonetshela tshedza kha nndwa dza muthu nga eṱhe dze vhaṅwe vha vhaḓivhalea vhane ra vha funa vha sedzana nadzo phanḓa ha vhathu.

Mbekanyamushumo i vula nyambedzano dzi fulufhedzeaho na dzi re na ndivho dzo ṱanganaho na mafhungo ane kanzhi a langa nyambedzano yashu ya matshilisano.

Khalanwaha dzo fhiraho na zwipiḓa zwo sedzana na nyendo dzo dzikaho dza muthu nga eṱhe dzi ngaho ṱhalano, u vha na dzema ḽa zwidzidzivhadzi, u vhaisala, na u aluwa murunzini wa vhahali vha nḓowetshumo.

Nga hetshi tshifhinga Sip and Talk i khou vhuya yo hula nahone yo khwatha.

I sedzana na mafhungo a ngaho vhubebi, u ṱaṱisana ha vharathu na vhakomana, vhushaka ho kundelwaho na zwiṅwe-vho.

Season ntswa, i dovha ya ḓihudza nga mutevhe u sa tendisei wa vhaeni. Vhukati havho ndi Sonia Mbele, LaConco, Steve Lekoelea, Zizo Beda, na Vele Manenje.

• VHALANI ZWINWE : Ndi zwa ndeme u thusa vhana u pfesesa nga ha GBV

“Ro vhuya! 👌🏽✨🥳🥵 #SipAndTalkMzansi Tshifhinga tsha vhuvhili, nga Ḽavhuṋa nga awara ya vhusumbe nga madekwana kha Mzansi Magic 🔥,” Dineo o ḓivhadza.