Ndi zwa ndeme  thusa vhana u pfesesa nga ha GBV

Khakhathi dzo ḓisendekaho kha mbeu (GBV) ndi ṱhoho i konḓaho, fhedzi u i haseledza na vhana zwi vha thusa u ṱhogomela vhuḓifari vhu songo tsireledzeaho na u ṱoḓa thuso.

GBV i katela u tambudzwa muvhilini,vhuḓipfi, muhumbuloni, zwa vhudzekani na zwa ikonomi.

Vhana vha nga tshenzhela khakhathi nga ho livhaho kana vha dzi vhona hayani kana zwitshavhani zwavho.

Vhabebi na vhaṱhogomeli vha fanela u ṱalutshedza GBV vha tshi shumisa luambo lwo teaho miṅwaha, u funza ṱhonifho, mikano ya muthu nga eṱhe, vhuthu na tsireledzo.

Vhana vhaṱuku vha fanela u pfesesa uri a hu na muthu a re na pfanelo ya u vha vhaisa kana u vha kwama nga nḓila i sa takadzi, ngeno vhaswa vha tshi nga guda nga ha u tendelana, vhushaka vhu si na mutakalo, u langa vhuḓifari na u tambudzwa kha inthanethe.

Vhana vha tea u pfesesa uri khakhathi, vivho na vhuḓifari ha u langa a si u sumbedza lufuno. Vhushaka havhuḓi vhu ḓisendeka kha ṱhonifho, vhudavhidzani na thendelano.

Vhabebi vha fanela u sika fhethu ho tsireledzeaho hune vhana vha nga amba vhuḓipfi havho vha sa ofhi u vhonwa mulandu kana u ṱarafiwa.

Vha fanela u dovha vha topola vhaaluwa vhane vha vha fulufhela, sa vhadededzi na vhaeletshedzi, vhane vha nga ṋea thikhedzo.

• VHALANI ZWINWE : Mvelelo dza zwigwada zwa Soweto nga murahu ha mutambo wa Mugivhela 

Childline Afrika Tshipembe i ṋetshedza luṱingo lwa thuso lwa mahala, lwa awara dza 24 kha 116.

Nyambedzano nga ha GBV dzi fanela u bvela phanḓa musi vhana vha tshi khou aluwa.