U swika ha vho Da Cruz kha kaizer chiefs

Mugudisi muswa wa Kaizer Chiefs Vho-Fernando Da Cruz vho swika lwa tshiofisi Afrika Tshipembe vha dzhena kha thimu ya Naturena.

Da Cruz u ḓa na u ḓikukumusa huhulwane, ngauri o fhedza miṅwaha mivhili yo fhiraho sa mulanguli wa vhugudisi wa Federesheni ya Bola ya Milenzhe ya Royal Morocco.

Musi vha tshi amba nga murahu ha musi vho no swika Naturena, Vho-Da Cruz vho amba uri vho takala u thoma mushumo wavho muswa.

“Ndo takala vhukuma u vha fhano.Kaizer Chiefs yo dzula i na vhuimo ho khetheaho mbiluni yanga.

“Nahone ndi khou tevhela zwe zwa itea kha heyi thimu kha minwaha mivhili yo fhelaho,” vho ralo. 

“Kaizer Chiefs ndi thimu khulwane ine ya vha na ḓivhazwakale na vhatikedzi vha re na lufuno.

“Zwine zwa vha zwa ndeme kha nṋe zwino ndi u fhaṱa vhushaka havhuḓi na vhatambi, u dzhenisa muya wa u kunda na u shumisana u itela u wana mvelaphanḓa ine vhatikedzi vhashu vha fanelwa ngayo.

“Lwendo lune lwa khou ḓa lu ḓo ṱoḓa u shuma nga maanḓa na vhuthihi, fhedzi ndi na fulufhelo ḽa uri ri ḓo bvelela.”

Team iyi yo no vha kha vhege ya vhuvhili ya u guda phanḓa ha khalaṅwaha ntswa.

Vhathusi vha Fernando Da Cruz kha Kaizer Chiefs vho vha vha tshi khou shuma nga maanda vha tshi khou lugisela u swika havho.

• VHALANI HAFHU : Innocentia u ri isa kha maḓuvha awe a u fhedzisela o dihwala

Mulanguli wa Chiefs Vho-Kaizer Motaung Jr vho tanganedza mugudisi muswa, vhari u swika havho zwo vula ndima ntswa kha kilabu.