Mayo ha khou vhilaela nga thendelano ya Kaizer Chiefs

Khanyisa mayo ha khou vhilaela nga maanḓa nga ha vhumatshelo hawe kha kaizer chiefs sa izwi khalanwaha i tshi khou tou fhela.

Zwazwino o hadzimiwa lwa khalanwaha nthihi kha CR Belouizdad fhedzi Chiefs ina khetho ya u mu renga lwa tshoṱhe.

Fhedzi nga ndila ine zwithu zwa tshimbila ngayo, a zwi vhonali zwo leluwa uri vhalanguli vha Chiefs vha bvise dzi million uri vha mu renge.

Fhedzi naho zwo ralo, muṱhannga wa miṅwaha ya 27 ha vhilaeli na luthihi.

Nahone uri ha na mutsiko sa izwi ho sala minwedzi miraru kha thendelano yawe.

“A thi vhoni hezwo (uri u tea u sumbedza ndeme yawe uri a sainiwe lwa tshoṱhe) zwi tshi nṋea mutsiko…

“Mutsiko wo vha u hone tshifhinga tshoṱhe,” ho amba Khanyisa Mayo kha nyambedzano na Sowetan zwenezwino.

“Ndo bebelwa muṱani une wa vha na mutsiko.U tamba kha kilabu khulwane sa Chiefs, hu dzula hu na mutsiko.

“A thi vhoni u nga ndi zwithu zwine nda nga si kone u zwi langa,” Mayo o engedza.

Khotsi awe ndi Vho-Patrick Mayo, vhe vha vha vhe mutsireledzi wa kale wa tshigwada tsha Kaizer Chiefs.

Kaizer Chiefs yo sala na mitambo ya fumi kha ino Khalanwaha, Khanyisa Mayo u tenda uri u kha di vha na tshikhala tsha u takadza vhatambi.

• VHALANI HAFHU: Londie London o amba nga ha tshiwo tshi tshuwisaho

O engedza nga uri: “Musi tshifhinga tshi tshi khou ḓi ya, zwibuli zwo engedzeaho zwi ḓo ḓa nḓilani yanga.”