Vhumatshelo ha Cele kha Kaizer Chiefs vhu kho solisea

Vhumatshelo ha mutambi wa vhukati wa Kaizer Chiefs Thabo Cele vhu khomboni nga murahu ha musi o sala murahu musi thimu i tshi khou tamba phanḓa ha khalanwaha ngei Spain.

Chiefs yo ṱuwa nga Ḽavhuṋa nga fhasi ha mugudisi Fernando Da Cruz, ane a ḓo ranga phanḓa thimu kha mutevhe wa mitambo ya vhukonani ngei Spain phanḓa ha musi a tshi vhuyelela Afrika Tshipembe.

Chiefs i ḓo ṱangana na Rangers FC ya Scotland nga ḽa 12 Fulwana, ha tevhela mutambo na Al Kholood wa Saudi Arabia nga ḽa 15 Fulwana, nahone ya fhedzisela nga mutambo na Elche CF ya Spain nga ḽa 18 Fulwana.

U sa tamba ha Thabo Cele kha Kaizer Chiefs zwo vusa mafhungo a uri maduvha awe kha Naturena o sekena.

Mutambi uyu wa minwaha ya 29 na vhalanguli vhawe vha khou pfala vha tshi khou sedza zwikhala zwiswa zwine zwa nga mu vulela vothi kha inwe kilabu.

Cele o dzhena kha Chiefs nga ṅwedzi wa Phando 2025 nga  mahala nga murahu ha musi o ṱutshela tshigwada tsha Russia tsha Fakel Voronezh.

Chiefs yo vha vha i khou mu tevhela lwa tshifhinga tshilapfu vha sa athu u mu saina.

Mutambi uyu o ita zwavhuḓi musi a tshi swika, a tamba mushumo wa ndeme kha u thusa Chiefs u wina Nedbank Cup na u fhelisa gomelelo ḽa dzikhaphu ḽa miṅwaha i fhiraho fumi.

• VHALANI HAFHU : Vho Collina vha ṱalutshedza u sa tendelwa ha tshikoro tsha Egypt

Fhedzi u huvhala zwo mu thithisa kha khalanwaha yo fhiraho nahone zwa ita uri a si vhe na zwikhala zwa u tamba tshifhinga tshoṱhe.

U bva tshe a dzhena kha Kaizer Chiefs, Thabo Cele o tamba mitambo ya 36 kha mitatisano yothe.