‘Ndo xelelwa nga zwithu zwothe’ Mthokozisi Ndaba

Muthu we a dzhenelela kha Idols SA season 13 Mthokozisi Ndaba o tangana na vhuleme vhuhulwane ha muthu nga ethe na ha masheleni.

Zwa zwino o vhofhololwa nga beili ya R500 nga murahu ha u nndwa na muzwala wawe.

Ndaba o dzumbulula uri u khou ṱalana na mufumakadzi wawe we a vha e nae lwa miṅwaha ya malo nahone o pandelwa fuletheni yawe ya Soweto nga ṅwambo wa rennde i songo badelwaho.

O fhungudza muvhili nga nṱhani ha mutsiko nahone zwino u khou dzula mukhukhuni ngei KwaMhlanga ngeno a tshi khou lingedza u vusuludza vhutshilo hawe.

Zwiṅwe hafhu, u khou tambula nga zwa masheleni sa izwi vhalambedzi vho kundelwa u mu badela kha dzi gig dzo vhalaho u bva nga ṅwedzi wa Nyendavhusiku u swika nga Luhuhi.

• VHALANI HAFHU : Post ya zwenezwino ya jessica Nkosi yo vusa dzi mbudziso nnzhi

Naho o vha e na vhuleme, Ndaba o vha a tshi dzula e na fulufhelo, a tshi ṱanganedza vhukhakhi hawe, a tshi ṱoḓa mulalo, nahone a tshi khou ḓitika nga lutendo lwawe uri a thome vhutshilo hawe nga huswa.