Vho Collina vha ṱalutshedza u sa tendelwa ha tshikoro tsha Egypt
Vho malugwane muhulwane wa FIFA Vho-Pierluigi Collina vho ṱalutshedza uri ndi ngani tshikoro tsha Egypt musi vha tshi tamba na Argentina tshi songo tendelwa nga murahu ha u dzhenelela ha VAR.
Tsheo iyi yo vhanga khakhathi khulwane kha World Cup, hune vhaḓivhi vhanzhi vha bola ya milenzhe vha katelaho Benni McCarthy na Quinton Fortune vha sasaladza Egypt nga tshikoro tsho teaho.
Collina o amba uri tshifhinga tshoṱhe musi hu tshi dzhena tshikoro, VAR i sedzulusa luṱa lwoṱhe lwa u ṱhasela lwe lwa ita uri hu kone u dzhena tshikoro.
“Arali hu na vhukhakhi vhune ha kwama u vhumbiwa ha tshikoro, referee u eletshedzwa uri a ye kha VAR.”
Vho amba uri ahuna mulayo une wa vhea mikano uri vhukhakhi vhu nga vha tsini hani na tshikoro kana uri tshikoro tshi nga dzhia tshifhinga tshingafhani.
O amba uri Marwan Attia wa Egipita o kanda mulenzhe wa Lisandro Martínez musi hu tshi thoma u ṱhaselwa.
“Foul i dzula i foul. Arali referee a sa zwi vhoni mudavhini, VAR ina pfanelo ya u dzhenelela”
- VHALANI HAFHU: Emtee o fhindula kha mavharivhari a Nicole Chinsamy
Pierluigi Collina o dovha a amba uri tshiwo tsho katelaho Mohamed Salah na Julián Álvarez tsho dzhiiwa sa vhukwamani ho ḓoweleaho kha bola ya milenzhe, ndi ngazwo vho malugwane na VAR vha songo dzhenelela.