Cardoso u amba nga mutsiko wo livhanaho na tshigwada tshawe 

Mugudisi wa thimu ya Mamelodi Sundowns Vho-Miguel Cardoso vho pomoka ligi ya bola ya milenzhe ya PSL u vha na tshiṱuhu.

Musi vha tshi khou amba phanḓa ha mutambo wa u thoma wa Caf Champions League nga Ḽavhuṱanu, vho amba uri Sundowns i khou tambudzwa.

Sundowns i ḓo ṱangana na Stade Malien tshitediamu tsha Loftus – mutambo u ḓo thoma nga awara ya vhumalo nga madekwana.

Hezwi zwo itea nga murahu ha maḓuvha mararu fhedzi musi vho no tamba mutambo u konḓaho wa Betway Premiership na Orbit College.

ZWIṄWE ZWIGWADA 

O mbo ḓi ṋea tsumbo ya nḓila ine zwiṅwe zwigwada zwa shuma ngayo mashangoni azwo:

Stade Malien (Mali): yo wana maḓuvha a fumi-ṱahe a u lugiselela.
Al Hilal (Sudan): yo ṋewa maḓuvha a 12 a u lugiselela.
Esperance (Tunisia): yo vha e na maḓuvha a sumbe a u ḓilugiselela.
Al Ahly (Egipita): Vha na maḓuvha a ṱahe a u ḓilugisela.
Sundowns: Ro vha na maḓuvha mararu a u lugisela.

Vha khou kombetshedzea u tamba na Marumo Gallants nga Lavhuvhili li daho hu sa athu tamba mutambo wa vhuvhili.

“Hezwi ndi tshituhu tshine tsha khou itea Afrika Tshipembe,” Cardoso o ralo a tshi sumbedza u sa takala hawe.

“Dziṅwe ligi dzoṱhe dzi sika nyimele dza uri kilabu dzadzo dzi kone u imela mashango adzo nga nḓila ya khwiṋesa. Ri pfa ri tshi khou farwa nga nḓila i si yavhuḓi.”

MVELELO DZA MITAMBO
U kwamea ha mitambo iyi ya Sundowns yo ḓalaho zwo no thoma u vha na mvelelo dzi si dzavhuḓi.

Vho-Cardoso vhari Vho-Thapelo Morena vha do xelelwa nga mutambo wa Lavhutanu nga murahu ha musi vho huvhala musi vha tshi tamba na Orbit College.

Naho thimu ya Mamelodi Sundowns ndi yone fhedzi yo salaho kha Champions League, Miguel Cardoso u pfa uri tshigwada itshi tshi khou ṱarafiwa.

• VHALANI HAFHU : Mafhungo a Pitso Mosimane kha Kaizer chiefs

O phetha nga u ri: “Hu na vhathu vhane vha khou shuma u sika zwiimo zwa uri ri kundelwe.”

“Fhedzi ri ḓo lwa, fhedzi a zwo ngo luga uri kilabu i re na hoyu mutambo i sa ṋewe zwiimo zwa u kunda.”