Cyan Boujee o vhuya kha  Social Media

DJ na  Content creator Honor Zuma “Cyan Boujee” o vhuya kha zwileludzi zwa vhudavhidzani.

Vhatevheli vhawe kha social media vho vha vha sa koni u ḓifara fhedzi vho mangadzwa nga u penya hawe hu mangadzaho kha vidio ye ya phadalala vhukuma.

Vidio iyi, ye ya bvelela kha X (Twitter), nga ḽa 19 Fulwi 2026, i sumbedza Cyan  a tshi khou imba luimbo lwa Zee Nxumalo “Ngithathiwe”.

Hezwi zwo ita uri hu vhe na mavharivhari a uri o vhifha muvhilini nahone thumbu yawe yo vha i tshi vhonala, naho vhaṅwe vha tshi amba uri zwenezwi a si ngoho.

Nga nwedzi wa vhuna wa 2026, Cyan Boujee o mbo di ngalangala nga u ṱavhanya kha zwileludzi zwa vhudavhidani.

O dovha a dzumbulula nga murahu ha tshifhinga uri hezwi zwo itea nga ṅwambo wa zwiitisi zwawe zwa tshiphirini.

Kha tshifhinga tsho fhiraho, Cyan Boujee o vha a tshi ṱanganelana na Mulanguli wa Ḓorobo ya Tshwane Vho Kagiso Lerutla.

Vho-Lerutla vho fariwa  malugana na mavharivhari a u tswa tshelede ya zwigidi zwa rannda.

• VHALANI HAFHU:  Gugu Gumede u amba uri o kona hani u sumbedzisa joyce gomora

Briefly News yo no vhuya ya vhiga uri ho vha na mavharivhari nga ha vhushaka vhune ha vhonala vhukati ha avha vhavhili, nga murahu ha musi Cyan Boujee o phumula akhaunthu dzawe dza social media.

Vhafuni vhawe vha khou fhisetshela u vhona zwine Cyan Boujee a vha vhetshela zwone nga murahu ha musi o no vhuyelela kha social media.