“ Ni fulufhedziso ḽa vhutshilo kha nṋe”- Khanyi Mbau 

Khanyi Mbau zwenezwino o kwama mbilu kha zwileludzi zwa vhudavhidzani nga murahu ha u kovhelana mulaedza kha ṅwana wawe, Khanukani ‘Khanz’ Mbau.

Muthu wa nyanḓadzamafhungo wa Afrika Tshipembe o dzhena kha siaṱari ḽawe ḽa instergram u posa tshinepe tshawe na Khanz ngeno a tshi khou humbula nga ha uvha mme na u ṋea maipfi a ṱhuṱhuwedzo kha ṅwana wawe.

Kha ṱhalutshedzo i bvaho mbiluni, Mbau o humbudza Khanz uri vhutshilo vhu ḓa na zwifhinga zwo fhambanaho nahone a mu ṱuṱuwedza uri a ṱanganedze tshifhinga tshiṅwe na tshiṅwe.

“Kha ṅwananga wa musidzana, maḓuvha ha fani, ḓuvha ḽi ḓo penya fhedzi hu na maḓuvha a mvula ya maḓumbu, tendelani khalanwaha iṅwe na iṅwe, elelani nayo i vhe hone.. NDI na inwi kha tshipida tshiṅwe na tshiṅwe, “o nwala.

Mutambi wa matambwa na ṋaledzi ya reality TV o isa phanḓa na u sumbedza nḓila ine a funa ngayo ṅwana wawe, a tshi ṱalusa Khanz sa fulufhedziso ḽa vhutshilo khae.

• VHALANI HAFHU: Cardoso u amba nga mutsiko wo livhanaho na tshigwada tshawe 

“Inwi ni fulufhedziso ḽa vhutshilo kha nṋe na tshifhaṱuwo tsha Mudzimu. Ndi a ni funa nga maanḓa. Ni do zwikona hezwi,” vho engedza nga u ralo.