Tlhogi na Mdala vha lovha kha khombo i shushaho kha etvScandal!
Vhatambi vhane vha funeswa vhukuma kha etvScandal! Makoma Mohale ‘Tlhogi’, na James Sithole ‘Mdala’, vho ṱutshela mbekanyamushumo.
Mohale, we a vha e mubvumbedzwa muhulwane kha Mzansi Magic’s Queen Modjadji, o vha ṱhoho dza mafhungo musi a tshi ṱangana na malume wawe vha sa fulufhedzei Lebone kha etvScandal!.
Muambeli wa thelevishini, Vho-Jabu MacDonald, vho bvisela khagala kha siaṱari ḽavho ḽa X uri vhenevha vhavhili a khou ubva kha sopie nga dzi 22 Fulwi 2026.
“Spoiler Alert, Mdala na Tlhogi vha ḓo lovha kha khombo ya goloi, zwine zwa ḓo swaya u fhela ha lwendo lwavho kha mbekanyamushumo.
Kha mimunithi i si gathi i tevhelaho, mbulungo yavho yo ṱanganelaho i ḓo vha hone musi tshitshavha tsha eThembeni tshi tshi khou laela vhenevho vhavhili,” ho ṅwala Jabu MacDonald.
“Ndi a zwi ḓivha uri a ro ngo fanela u gungula fhedzi ndi ngani hedzi mbekenyamushumo dzoṱhe dzi tshi fhela nga lufu?
Ndi ngani ri sa wani magumo ane a ri sia ri tshi khou ḓivhudzisa uri hu dovha ho itea mini,” ho ṱalutshedza @Penelope_Mph0 kha X (Twitter)