Da Cruz o bvisela khagala zwine Phili a tea u khwinisa kha Chiefs

Mugudisi wa kaizer chiefs Vho-Fernando da Cruz vho takadzwa nga ndila ye Langelihle Phili a thoma ngayo kha thimu.

Fhedzi uri muswa uyu u kha di vha na fhethu huhulwane hune a tea u khwinisa hone kha mutambo wawe.

Phili o dzhena kha Amakhosi vhege mbili dzo fhelaho. Fhedzi o no ita phambano khulwane kha thimu.

Mutambi wa Aspoonzweni o kora tshikoro tshawe tsha u thoma musi Chiefs yo tamba 1-1 na Mamelodi Sundowns nga Mugivhela.

Da Cruz o khoḓa luvhilo lwawe, fulufhelo ḽawe na vhukoni hawe ha u fhira vhatambi.

Naho zwo ralo, u ṱoḓa uri Phili a shume kha u vhulunga bola, a si mu dzhiele bola nga u ṱavhanya kana u sedza phanḓa nga murahu ha musi vho no i wina.

U amba uri u tea u dovha a thusa thimu musi i si na bola nga u vala zwikhala uri vhapikisi vha sa kone u ṱhasela nga hu leluwaho.

O amba uri Phili u do vha khwine musi a tshi ḓowela Chiefs na nḓila ine vha tamba ngayo.

“Musi ri fhasi ha mutsiko u fana na namusi, ndi khou toda u muvhona a tshi ri thusa u wana bola, a kona u i vhulunga u itela u thusa thimu.”

“O xelelwa nga bola nnzhi kha hafu ya u thoma. Fhedzi o vha khwine kha hafu ya vhuvhili.”

“O kona u thusa thimu nahone ndo takala uri o kora tshikoro.”

“Ri khou tea u mufha tshifhinga tsha u ḓowela zwine Da Cruz a khou ṱoḓa Langelihle Phili a tshi zwi itela Kaizer Chiefs…

• VHALANI HEZWI : Devin Titus u dzhoina vhahali vha Morocco Mabasa

“U tea u ḓowela nḓila ine ra tamba ngayo. Fhedzi u ḓo vha khwine vhukuma nga u ya ha tshifhinga.”