Broos u kha ḓi vha na fulufhelo nga ha Modiba  

Mugudisi wa thimu ya Bafana Bafana Vho ​​Hugo Broos vho sumbedzisa fulufhelo kha ​​Aubrey Modiba.

U amba uri u na fulufhelo ḽa uri u ḓo vha o no ḓilugisela u tamba phanḓa ha mutambo wa u vula wa World Cup.

Modiba ha athu tamba ubva tshe a huvhala kha mutambo  wa Mamelodi Sundowns wa u fhedzisela wa Caf Champions League.

U huvhala ho kombetshedza Modiba uri a si kone u tamba mutambo wa vhuvhili wa Sundowns’ wa u dzhia tshiphuga.

O dovha a xelelwa nga mutambo wa vhukonani wa Bafana na Nicaragua nga Ḽavhuṱanu ḽo fhiraho.

Musi vha tshi khou amba phanḓa ha musi thimu i tshi ṱuwa kha Tshiphuga tsha Ḽifhasi ngei Mexico nga Musumbuluwo, Vho-Hugo Broos vho dzumbulula uri Aubrey Modiba u khou fhola.

“Ndi vhona unga Aubrey u tsini vhukuma na u guda na thimu arali zwothe zwa mu tshimbilela zwavhudi,” ho amba Broos.

Broos u lavhelela uri Modiba u ḓo vha hone kha mutambo wa u vula wa thonamennde nga ḽa 11 Fulwi.

Fhedzi o  ombedzela uri ha khou ṱavhanya u mu vhuisa kha mutambo wa vhukonani na Jamaica.

“Ngauralo u ḓo vha khwine, fhedzi khamusi hu si kha mutambo wa Jamaica,” Broos o engedza.

• VHALANI HAFHU: Mamelodi Sundowns yo engedza thendelano ya Thapelo Morena

“A ri nga ḓo mu vhea khomboni, fhedzi ndi na vhutanzi ha uri u ḓo vha hone kha mutambo wa u vula.