Pirates i khwaṱhisa tshigwada tshayo phanḓa ha khalanwaha ntswa

Ho pfala uri thimu ya Orlando pirates i kha maitele a u ṱoḓa muṅwe mutambi wa nṱha u bva kha thimu ya Siwelele FC.

Hezwi zwi khou ḓa musi tshigwada tshi tshi khou bvela phanḓa na u khwaṱhisa tshigwada tshatsho phanḓa ha khalanwaha ntswa.

Vha soweto  vho no vhigwa uri vho saina Thato Ngwato kha tshigwada tsha Free State.

Zwino mabakabaka vha khou pfala vho topola Gamphani Lungu sa mutambi ane vha tama u khwathisa thimu ngae.

Nahone nyambedzano dzi khou tendiwa uri dzi khou tshimbila zwavhudi vhukuma.

Hu khou pfeseswa uri mutambi wa minwaha ya 27 a nga vha o no ṱoliwa nga madokotela a Pirates.

Muṅwe muthu wa nga ngomu o eletshedza uri hu kha ḓi vha na zwithu zwi si gathi zwine zwa fanela u itwa phanḓa ha musi thendelano i tshi fhelela.

Lungu o vha na fulo ḽo khwaṱhaho kha Betway Premiership, o tamba mitambo ya 27 na u kora zwikoro zwiṱanu, a ṋetshedza zwikoro zwivhili zwa u thusa.

• VHALANI HAFHU: Broos u kha ḓi vha na fulufhelo nga ha Modiba

Vha Orlando Pirates na vha Siwele FC a vha athu amba tshithu lwa tshiofisi nga ha mafhungo aya.