Broos o bvisela khagala tshiitisi tsha u ṱutshela Bafana

Mugudisi wa kale wa Bafana Bafana Vho-Hugo Broos vho talutshedza uri ndi ngani vho dzhia tsheo ya u sa vusuludza thendelano yavho na dzangano la bola ya milenzhe la Afrika Tshipembe (Safa) nga murahu ha mitambo ya tshiphuga tsha lifhasi.

Mugudisi wa Belgium vhari tshifhinga tshilapfu tshe vha vha vhe kule na muta wavho na vhuludu he vha sedzana naho musi vha tshi khou shuma Afrika Tshipembe ndi zwone zwo itaho uri vha litshe bola ya milenzhe.

“U vha kule na muṱa wanga lwa tshifhinga tshilapfu, na vhuludu he nda vha ndi tshi khou sedzana naho Afrika Tshipembe zwo nnyita uri ndi dzhie tsheo iyi i konḓaho,” Broos o ralo.

Vho-Broos vhari u shela mulenzhe havho kha World Cup ndi tshithu tshihulwane vhukuma vhutshiloni havho.

Hezwi zwo itea nga maanḓa sa izwi zwo itea nga murahu ha miṅwaha ya 40 musi o no tamba kha Tshiphuga tsha Ḽifhasi tsha 1986 a tshi khou imela Belgium.

“Ngauralo, a thi nga vusuludzi thendelano yanga sa mugudisi wa Bafana Bafana,” vho engedza nga u ralo.

• VHALANI ZWINWE: Malema o ṱhasela mupodikhasi a ḓivheaho Mac G

Vho-Hugo Broos vho nangiwa sa mugudisi wa Bafana Bafana nga 2021 u dzhia vhuimo ha Vho-Molefi Ntseki.