Vha Arrows vho humbela pfarelo kha mutambi wa Kaizer Chiefs 

Vha Golden Arrows vho kombetshedzea u dzhia maga a shishi nga murahu ha musi munwe wa vhashumi vhavho kha social media o posa tweet a tshi khou nyadza mutambi wa Kaizer Chiefs.

Post iyo yo phumulwaho yo ṅwalwa nga luambo lwa Tshizulu phanḓa ha mutambo wa MTN8 na Chiefs nga Swondaha.

“Shezi ngeke ahlulwe ukumaka isishawa,” ho vha hu tshi vhalea nga u ralo kha post.

Nga murahu ha musi poso iyi yo no phaḓalala kha zwileludzi zwa vhudavhidzani  yo sinyusa vhafuni vha bola ya milenzhe, yo mbo ḓi phumulwa nga u ṱavhanya nahone ha humbeliwa pfarelo.

Naho wonoyo mulaedza wo vha u si na dzina, zwo vha zwi khagala kha muthu muṅwe na muṅwe uri wo vha wo livhiswa kha mutambi wa Chiefs , Luke Baartman, ane a tshila na vhulwadze ha albinism.

Ipfi “shower” ndi ḽiiti ḽine ḽa shumiswa u nyadza vhathu vhane vha khou tshila na vhulwadze ha albinism, zwe zwa ita uri vhanzhi vha sasaladze vha Arrows.

Kha tshitatamennde tsho bviswaho nga UP BACK THROUGH PODCAST, vha Golden Arrows vho humbela pfarelo kha vhatikedzi vha Kaizer Chiefs na munwe na munwe ane a pfa o sinyuswa nga tshiwo itshi.

• VHALANI ZWINWE : Oprah ṋetshedza tshikolo tshawe muvhuso

Tshiwo itshi tsho vhanga mvelaphanḓa musi thimu mbili dzi tshi khou ḓilugisela u ṱangana kha mutambo wo lavhelelwaho vhukuma wa MTN8 nga Swondaha.

Vha Golden Arrows vha do dalela Kaizer Chiefs tshitediamu tsha FNB kha mutambo wa MTN8 nga Swondaha nga 6 p.m.