Babes Wodumo o amba ngaha vhuleme he a tangana nawo

 Muimbi wa Gqom, Babes Wodumo o vula nga ha vhuleme he a tangana naho musi a tshi khou lingedza u vhumba hafhu na u thoma mushumo wawe wa muzika.

Izwi zwi khou da nga murahu ha u lovha ha munna wavho Vho-Mandla “Mampintsha” Maphumulo.

Muimbi wa luimbo lwa hit `Wololo` o tenda uri u ḓi vhumba hafhu sa muimbi a si na Mampintsha, we a vha e mufarisi wawe kha lufuno na mushumo, zwo vha zwi songo leluwa.

Mampintsha, we a vha a tshi ḓivhea vhukuma kha muzika wa kwaito na gqom nahone o vha e muraḓo wa tshigwada tshi ḓivheaho tsha Big Nuz.

Mampintsha vho lovha nga Lara 2022, nga murahu ha u farwa nga vhulwadze ha tshiṱirouku.

Kha nyambedzano na DailySUN, Babes Wodumo o tenda uri hezwi zwo mu vula maṱo zwihulwane , nga maanḓa musi zwi tshi ḓa kha u langa mushumo wawe.

Vho vha vho no fhedza miṅwaha minzhi vhe vhoṱhe kha zwa muzika. Vhuleme ha u ṱutshelwa nga Mampitsha ho ṱoḓa u ita uri a litshe mushumo wawe lwa tshoṱhe.

Fhedzi-ha, mutukana wavho muhulwane “Sponge” o vha ṋea maanda a u takuwa, u lwa na u bvela phanḓa. “Ṅwana wanga o vha a tshi ṱoḓa u ḽa.

• VHALANI HAFHU: Mofokeng o kolela Chiefs musi a tshi onesana na tshigwada

“O vha a tshee muṱuku vhukuma uri a pfesese uri khotsi awe vho no lovha.

“O vha a sa pfesesi mbilaelo dze nda vha ndi tshi khou ṱangana nadzo sa mme muswa na tshilikadzi.

“Ndo vha ndi tshi fanela u vha na maanḓa nahone nda thoma u shuma, fhedzi zwo vha zwi tshi konḓa.”

Babes Wodumo o bvukulula uri vhathu vhanzhi vhe a vha a tshi fulufhela uri vha do mutikedza na u mu sumbedza ndila musi a tshi khou fhira kha tshifhinga tshi konḓaho, a vho ngo ita nga u ralo.