Makhadzi o fhindula nga murahu ha musi show ya Zimbabwe yo khanselwa
Muimbi wa Afrika Tshipembe Makhadzi o fhindula nga murahu ha musi inwe ya show yawe ye a vha o dzudzanya u i ita ngei Zimbabwe yo khanselwa.
Izwi zwi khou da nga murahu ha migwalabo ya u lwa na u tuwisa vhabvannda Afrika Tshipembe vha si na mabambiri o teaho mashangoni a havho.
Muimbi o bebwaho Limpopo ndi muthu ane a sasaladza vhukuma migwalabo ine ya khou aluwa ngei Zimbabwe malugana na vhaimbi vha Afrika Tshipembe vhane vha khou bviswa kha dzi show ngei Zimbabwe.
Vhadzulapo vha Zimbabwe vho ita khuwelelo kha vhadzudzanyi vha vhuṱambo Zimbabwe uri vha litshe u thola vhaimbi vha Afrika Tshipembe.
Nṱhani ha u fhindula nga mbiti, Makhadzi o fhindula nga mulaedza wa tshumisano na vhufarisani vhukati ha mashango a vhahura.
- VHALANI HAFHU: Babes Wodumo o amba ngaha vhuleme he a tangana nawo
Makhadzi oisa kha siaṱari ḽawe ḽa Facebook nga Swondaha, ḽa 5 Fulwana 2026, u kovhelana phosiṱara yo bveledzwaho nga AI ine ya sumbedza ene muṋe na mulaedza wawe wa tshumisano na maṅwe mashango.
“Ubuntu a vhu na mikano. Ṱhonifho i ḓivha milayo yoṱhe.”
Phosiṱara yo vha i tshi dovha ya vha na fuḽaga dza maṅwe mashango a Afurika, hu tshi katelwa Afurika Tshipembe, Zimbabwe, Nigeria, Kenya, Angola, Côte d’Ivoire, na maṅwe manzhi.