NACA yo ṱhonifha vha hali vha mvelele nga ndila i takadzaho

 National Arts and Culture Awards (NACA), iḽi dzangano ḽa shango ḽo lugiselwa nga Muhasho wa Mitambo, Vhutsila na Mvelele, ho vha na vhusiku ha ndeme ngei Sun City, North West.

Mbekanyamushumo iyi yo sumbedza u livhuwa vhathu vhe vha fha mvelele ya Afrika Tshipembe ndeme, nga vhubvo, u kona na mushumo wa tshifhinga tshilapfu.

Rebecca Malope, ane a dzhiiwa sa “ndlhovukadzi” ya muzika wa vhurereli, o wana Lifetime Achievement Award.

Musi a tshi amba kha vidio yo phadaladzwaho nga Muhasho, o ri: “Ndi phathutshedzo, ndi tshilidzi tsha Mudzimu. Zwi a ntakadza.

O dovha a livhuwa vhathetshelesi vhawe nga maipfi aya: “Ngaphandle kwabo ngangingeke ngibe lapho engikhona namhlanje. Nawu omunye umklomelo wenu bantu baseNingizimu Afrika. Ngiyanithanda kakhulu, sengathi uNkulunkulu engangibusisela nina,”

Naho e na miṅwaha i fhiraho 40 kha muzika na pfufho dzi fhiraho 40, Malope o sumbedza uri u kunda a si zwithu zwine zwa tea u dzhielwa fhasi.

Hezwi zwi tevhela na u huliswa hawe nga pfufho dza Lifetime Achievement kha Metro FM Music Awards na Basadi in Music Awards nga ṅwaha wo fhiraho.

Vhaṅwe vho huliswaho nga Lifetime Achievement Award ndi Alec Khaoli na Leon Schuster.

Ho dovha ha huliswa nga murahu ha lufu Miriam Makeba na Mandoza, ngeno Felicia Mabuza-Suttle o wana Special Ministerial Award. 

• VHALANI HAFHU : Ntando Rambani u vula ndila ntswa nga bugu yawe ya u thoma

Kha miṅwe mitengo, Mellaney Roberts o wina Outstanding Visual Artist, Gallery Momo ya wana Outstanding Art Gallery, Madoda Fani a wana Outstanding Crafter, David Tlale a wana ya Fashion/Textile Designer,

Koleka Putuma ya Poet Performance, Gregory Maqoma ya Dance Production, Themba Ndaba ya Actor in Theatre, nahone Sizwe Zako a huliswa nga Special Outstanding Musician Award.