Lucas Ribeiro o kunga dzangalelo  la thimu nnzhi- u ṱoḓea hoṱhe

Muṱaṱisano wa u renga Lucas Ribeiro u khou fhisa musi thendelano ya mutambi i tshi khou fhela nahone a tshi vho wanala mahala.

Musi thendelano yawe na Cultural y Deportiva Leonesa i tshi khou ṱoḓa u fhela mafheloni a ṅwedzi wa Fulwi, Ribeiro o no vha fhethu hune ha takalelwa nga zwigwada zwinzhi.

Hu khou pfala uri hu na dzangalelo khae kha ḽa Europe, North Africa nahone hu na nyeletshedzo dza uri thimu dza Afrika Tshipembe na dzone dzi nga ṱanganela kha mbambe ya u mu renga.

Naho zwo ralo, tshigwada tsha Spain tsha CD Castellón zwa zwino ndi tshone tshine tsha khou ranga phanḓa kha mbambe.

Hu pfi vha khou ṱoḓa u wana mutambi uyu sa izwi vha tshi khou ṱoḓa u khwaṱhisa tshigwada tshavho phanḓa ha khalanwaha i ḓaho.

Hupfi tshigwada tshi khou mufuna ngauri a nga tamba sa mutambi wa nomboro ya vhufumi kana sa mutambi wa vhuvhili.

Fhedzi dzangalelo ḽavho ḽo sedzana na tshithithisi tshihulwane sa izwi hu na RCD Mallorca.

Kiḽaba ya La Liga i khou lavhelesa nyimele ya Lucas Ribeiro, nahone tshikhala tsha u tamba kha ligi ya nṱha tshi nga vha na masiandoitwa mahulwane kha tsheo ya mutambi.

Dzangalelo khae a si ḽa Spain fhedzi. Thimu khulwane dza  North African vhane vha  Espérance Sportive de Tunis, Raja Casablanca, Wydad Athletic Club na Al Ittihad Tripoli na vhone vha khou pfala vha tshi khou mu sedza.

Kha thimu i dzi khulwane, Al Ittihad Tripoli ndi yone ine ya vha na tshikhala tsha khwine sa izwi a sa ḓo dovha a shuma na Rulani Mokwena arali a fhedza e henefho.

• VHALANI HAFHU: Divhazwakale i khou dovholola nga kha Pimville

Afrika Tshipembe, Kaizer Chiefs na yone i khou humbelwa uri i dzhene kha mbambe ya u renga Lucas Ribeiro.