Yeye u amba nga ha tshigwada tsha Kaizer Chiefs
Mutambi wa kale wa Kaizer Chiefs, Vho-Reneilwe “Yeye” Letsholonyane, vha tenda uri Amakhosi i kha ḓi vha na khonadzeo ya u ṱaṱisana kha tshiphuga tsha Betway Premiership kha ino khalanwaha.
Hezwi zwo itea naho mugudisi muswa wa Chiefs, Vho-Fernando Da Cruz, vho amba uri thimu yavho i kha ḓi khwiṋiswa nahone a i athu swika kha vhuimo ha u ṱaṱisana na Orlando Pirates na Mamelodi Sundowns.
Vho-Letsholonyane vhari a vha athu shandukisa muhumbulo wavho malugana na zwine vha khou lavhelela kha Chiefs.
“Ṅwaha wo fhiraho ndo ri vha ḓo fhedza vhe kha Top 8. Zwino kha ino khalanwaha ndi tshifhinga tsha uri vha lwele ligi.
“Nṋe a thi na mavhonele o fhambanaho kha zwenezwo, a thi vhoni hu na tshiitisi tshine tsha nga ita uri vha si lwele tshiphuga tsha ligi,” ndi Letsholonyane a tshi vhudza vha Omni Audio.
O dovha a amba nga ha mugudisi, a ri thimu khulwane i ngaho Kaizer Chiefs a i ṱoḓi mugudisi ane a ḓo fhedza tshifhinga tshilapfu a tshi khou guda vhatambi.
“U fanela u tendela vhatambi vha tshi shumisa maanḓa avho,” ho isa phanḓa muhali we a vha a si na ṱhoni na vhatikedzi.
“Zwa ndeme ndi u vhulunga vhuthihi kha thimu na u sa tendela zwithu zwi tshi fhandekanya vhatambi, nga maanḓa nnḓa ha mudavhi.”
Vho amba uri vhagudisi vha Kaizer Chiefs vha tea u ombedzela u shuma sa thimu na u vhulunga muya wa vhuthihi vhukati ha vhatambi.