La Cure Waves yo vusuludzwa nga vhalambedzi vhaswa
La Cure Waves SC ya Mauritius yo wana thuso ntswa ya masheleni nga murahu ha mutambo wayo wa u thoma wa Caf Champions League we ya fhedza yo lingana 0-0 na Orlando Pirates.
Mvelelo dzi a dzo ngo tou vha dza mabammbiri fhedzi, dzo dovha dza vula miṋango ya vhalambedzi vhaswa.
Mugudisi wa kilaba, Jessen Barbier, o khwaṱhisedza uri mutambo wa hayani wa khakhathi na Orlando Pirates wo kunga vhathusi vhaswa.
Vhukati havho hu na khamphani ya dzigoloi ya Suzuki Axess na sitoro khulwane ya Intermart, zwine zwa sumbedza u fhulufhedzea huswa kha kilabu.
Barbier o amba na SuperSport a ri: “Nga murahu ha mutambo washu wa hayani na Orlando Pirates, La Cure Waves yo ḓivhadza vhuthusi vhaswa.
Zwino ri khou tikedzwa nga Suzuki na Intermart, nahone hezwi zwo thoma nga ḓuvha ḽe ra tamba na Pirates.”
Uyu mulaedza wo sumbedza nga nḓila i re khagala uri mutambo wonoyo wo vha wa ndeme.
O dovha a bula uri vhathusi avho vho no thoma u thusa tshigwada nga u renga tracksuit, majezi na zwikwama zwa u enda hu sa athu swika mulenzhe wa vhuvhili.
Suzuki nayo yo khwaṱhisedza u tikedza thimu ya Mauritius, ya ri i ḓiṱongisa nga u thusa tshigwada tshi imela bola ya Mauritius kha vhuimo ha dzhango ḽa Afrika.