Richards Bay yo bvisela khagala kakhathi vhukati ha  Biela na refiri

Richards Bay yo bvisa tshitatamennde tshine tsha khou talutshedza tshiwo tshine tsha khou kwama mudzulatshidulo wayo Vho-Jomo Biyela na muhaṱuli nga murahu ha mutambo wa Betway Premiership na Polokwane City nga Swondaha.

The Natal Rich Boys vho thoma khalanwaha nga u kundwa nga zwikoro zwivhili kha tshithihi kha mitambo ya Mhlathuze.

Vidio dzo phaḓaladzwaho kha zwileludzi zwa vhudavhidzani dzo sumbedza Biyela a tshi khou lwa na malugwane nga murahu ha mutambo.

Mapholisa vho kombetshedzea u dzhenelela. Biyela na ene o vha a tshi vhonala o vha na khanedzano na muṅwe muthu mudavhini.

Tshiwo itshi tsho kunga maṱo a vhathu nga vhunzhi sa izwi Vho-Biyela vha si mudzulatshidulo na muṋe wa Richards Bay fhedzi, fhedzi vha dovha vha vha muraḓo wa vhalanguli vha Premier Soccer League (PSL).

Musi vha tshi fhindula mafhungo aya, muambeli wa kilabu Vho-Xolani Zungu vhari tshiwo itshi a tsho ngo ṱalutshedzwa zwavhuḓi.

Zungu uri Biyela o thoma a dzhena mudavhini a fara vhatambi nga zwanda, a lumelisa thimu na vhagudisi vha thimu mbili, a konaha u fara referee.

Vho amba uri nndwa yo thoma fhedzi nga murahu ha musi refiri Moreki Lekwape o pomokwa uri o sema Biyela.

Zungu o dovha a amba uri Biyela o thivhela munwe wa vhaofisiri vha Richards Bay uri a si sedzane na referee musi hono vhifha. 

Khakhathi yo thoma musi Richards Bay i tshi ita mbilaelo ya u ṱarafiwa. Referee o shandula tsheo yawe luvhili nga murahu ha u amba na vhathusi vhawe, a fhedza o ṋea corner nṱhani ha penalty.

• VHALANI ZWINWE : Sundowns yo thola muofisiri wa kale wa AmaZulu 

Vho-Zungu vhari Biyela o vha a tshi khou toda u divha uri ndi ngani a tshi khou semiwa, nahone khomishinari wa mutambo a dzhenelela.