Tefu Mashamaite u amba nga ha Mdu Shabalala 

Vho Tefu Mashamaite vho bvisela khagala vhupfiwa havho malugana na mutambi wa kaizer chiefs Mduduzi Shabalala ane vha vhona o fanela u vha kha Bafana Bafana.

Uya nga ha mukapuṱeni wa kale wa Amakhosi, Shabalala o thivhelwa nga thimu ine a i tamba uri a vhe kha thimu ya lushaka.

U amba uri arali o vha a tshi khou tamba kha thimu yo dzudzanyeaho zwavhuḓi na u tamba zwavhuḓi sa Orlando Pirates o vha a tshi ḓo vha e kha pulane dza Hubo Broos dza World Cup.

“Shabba, kha nṋe, ndi mutambi a mangadzaho.Ndi mu vhona e kha tshiimo tshavhuḓi vhukuma kuma,” Mashamaite o amba kha Podcast ya Soccerbeat.

“Ndi a tenda uri arali na mu dzhia zwino na mu vhea kha thimu ya Pirates, zwavhukuma a nga ya kha World Cup.

“Mashudumavhi u khou tamba kha thimu ya Chiefs ine ya sa khou tshimbila zwavhuḓi nahone ha khou kona u bvelela zwavhuḓi.”

Mashamaite o sumbedza masiandoitwa a u shuma sa tshigwada kha kushumele kwa vhatambi nga muthihi nga muthihi.

“Tshiṅwe tshifhinga u vha ṋaledzi nahone u vha ṋaledzi nga ṅwambo wa vhane wa tamba navho,” Mashamaite o engedza nga u ralo.

Mdu Shabalala zwenezwino o kora tshikoro musi Chiefs i tshi kunda Orbit College — tshikoro tshawe tsha vhuraru kha khalanwaha.

Nḓila ye a kora ngayo yo sumbedza vhukoni hawe nga murahu ha u thoma hu konḓaho, a xelelwa nga zwikhala zwo leluwaho.

• VHALANI HAFHU: Mutsila wa Lekompo Fuego o vhulawa kha tshiwo tshi shushaho

Mutsireledzi wa kale wa Chiefs Vho-Brian Baloyi na vhone vho tikedza mutambi wa minwaha ya 22, vhari tshikoro tshi nga vha tshithu tshine tsha mu tshidza.

“Ndi khou takalela Shabba ngauri o vha a tshi khou sasaladzwa vhukuma.Tshikoro itshi tshi do mufha fulufhelo” ndi Baloyi.