Aamirah na Psyfo Ngwenya vho lavhelela muṅwana wa mutukana 

Nga tshifhinga tshiṱuku, ri ḓo kona u ṱangana na muraḓo muswa wa muṱa wa haNgwenya.

Vhabebi vhane vha ḓihudza, Aamirah na Sidwell Psyfo Ngwenya zwenezwino vho vha na phathi ya u dzumbulula mbeu ya ṅwana, ye ya vha yo ṱanganelwa nga vha muṱa na khonani dza tsini.

Vho vha na vhuthu ha u kovhelana na muṱa wavho wa kha inthanethe mbeu ya ṅwana ane vha khou mu lavhelela.

Ṅwedzi wo fhiraho, ho ḓivhadzwa uri Aamirah na munna wawe, muhashi wa kale wa YoTV Psyfo, vho lavhelela muṅwe ṅwana.

Vho divhadza u vhifha havho muvhilini nga tshitaila.

Vho sumbedza ene na mutukana wawe wa tanzhe vha nnḓa vha tshi khou ṱola zwimela. Zwenezwo nga u ṱavhanya, mutukana a bvisa ultrasound scan .

Aamriah o mbo di takuwa a bvukulula thumbu yawe ine ya khou aluwa.

 Nga murahu ha zwenezwo ho mbo ḓi itiwa phathi ya u dzumbululwa ha mbeu ya ṅwana, nahone zwo vha zwo khethea vhukuma.

U fana na vhaṅwe vhoṱhe, Aamirah o vha a sa ḓivhi mbeu ya ṅwana wawe a sa athu bebwaho, u swika kha phathi iyi.

Ene na Psyfo vha khou lavhelela munwe mutukana, vhothe vho takala u tangana nae tshifhingani tshi daho.

• VHALANI HAFHU : Winnie u tamela mashudu ​​Sophie Ndaba kha ḓuvha ḽa mabebo

“Ndo lindela u swika na ḽeneḽi ḓuvha uri ndi ḓivhe uri na nwana wanga ndi wa mbeu ifhio, ngauralo dakalo langa ndi ḽa vhukuma 100%. Ndi Aamirah a tshi amba”