Vilakazi na Khumbelo kha vhatikedzi vha Kaizer Chiefs
Mfundo Vilakazi o ita khumbelo kha vhatikedzi vha kaizer chiefs nga murahu ha mutambo wa quarter final wa Carling knockout cup.
Amakhosi yo kunda Siwelele FC nga 2-1 tshitediamu tsha Peter Mokaba nga Swondaha nga madekwana .
Vho vha vha tshi khou sala murahu kha half ya u thoma vha ya kha halftime nga 1-1 nga murahu ha musi Wandile Duba o no kora nga penalty.
Fhedzi nga phanḓa ha zwenezwo, Chiefs yo mbo ḓi ṋewa iṅwe penalty, fhedzi bola ya Mduduzi Shabalala yo mbo ḓibva nga nṱha ha mapala.
Hezwi zwo sinyusa vhatikedzi, vha fhedza vho ita zwiga zwa uri u fanela u pandelwa, zwe zwa ita uri Vilakazi a vha humbele uri vha songo ḓinalea.
“Ndi pfa ndo takala vhukuma.Tsha u thoma ndi tama u livhuwa Mudzimu nga vhukoni he vha nṋea hone,” o ralo.
“Ndi dovha nda vhona muta wanga, makhulu wanga na musidzana wanga vhane vha dzulela u ntikedza. Ndo takala uri ro kona u fhirela phanḓa .
“Wo vha u si mutambo u leluwaho , fhedzi ro kona u lwa nazwo ra bvelela kha u bvela phanḓa u ya kha semi-final.”
Mfundo Vilakazi o mbo ḓi ita khumbelo kha vhatikedzi vha Kaizer Chiefs, a tshi vha livhuwa u dzula vhe hone u itela u vha tikedza.
“Vhatikedzi vha dzulela u ri tikedza, ri fanela u sokou ita uri ri dzule ri tshi shuma nga maanḓa uri vha takale.
“Ri nga si dzulele u lila. Ndi zwone hu do vha nazwifhinga zwi konḓaho, fhedzi ndi khou humbela uri ni dzule ni tshi ri tikedza, nahone ri ḓo ita nga hune ra nga kona ngaho uri ni takale.
“Ndi a kholwa uri ṋamusi vho takala vhukuma uri ro kona u bvela phanḓa u ya kha semi-finals.”