Vha Downs vho dzhia tsheo malugana na vhumatshelo ha Zwane  

Mamelodi Sundowns yo fhedza yo dzhia tsheo malugana na vhumatshelo ha mukapuṱeni wa kilabu Themba Zwane zwi tshi tevhela minwedzi minzhi ya mafhungo malugana na mutambi wa vhukati wa kale.

Masandawana vho dzhia tsheo ya u tsireledza vhumatshelo ha muhali wa kilaba ga murahu ha musi vho tendelana kha u engedzwa ha thendelano ntswa ya nwaha muthihi nae.

Thendelano ntswa i ḓo ita uri Zwane a dzule Chloorkop u swika mafheloni a khalanwaha ya 2026/27, zwine zwa ḓo fhelisa mafhungo ane a khou ambiwa nga ha vhumatshelo hawe kha tshigwada tshihulwane tsha Betway Premiership.

Nga ṅwedzi wa Phando, KickOff.com yo dzumbulula uri tshigwada tshi kha ḓi dzhiela nṱha vhurangaphanḓa hawe, tshenzhemo na ṱhuṱhuwedzo yawe nga ngomu na nnḓa ha mudavhi, na uri u khou lavhelelwa u saina thendelano ntswa.

Mutambi wa minwaha ya 36 u kha di vha munwe wa vhatambi vha re na ṱhuṱhuwedzo kha Downs naho o vha a tshi khou lwa na u huvhala nga tshifhinga tsha zwipiḓa zwa fulo ḽo fhiraho.

Mshishi, sa zwine Zwane a ḓivhiwa zwone nga lufuno, o fhedza tshifhinga tshinzhi tsha mushumo wawe kha Sundowns nahone o vha muṅwe wa vhatambi vhahulwane vha kilabu.

O tamba mushumo wa ndeme kha u vhusa ha kilabu kha miṅwaha ya fumi yo fhiraho, a thusa vha Brazil u wina zwiphuga zwinzhi zwa ligi, khaphu dza hayani na zwiphuga zwivhili zwa CAF Champions League.

• VHALANI HAFHU: Cornet Mamabolo u vhuyelela kha TV  nga kha Dirama ntswa 

U vusuludzwa hawe hu khou ḓa musi Sundowns i tshi khou isa phanḓa na ndugiselo dza khalanwaha ntswa, hune kilabu i dovha ya lavhelelwa u khwaṱhisa masia o vhalaho a tshigwada phanḓa ha ḽiṅwe fulo.