Amakhosi i takalela u vhuya ha Brandon Petersen
Mugudisi wa thimu ya Kaizer chiefs Vho-Cedric Kaze vho sumbedza u takalela u vhuya ha mukaputeni Brandon Petersen.
O ṱalusa mulindavhuno sa mutambi wa ndeme kha thimu. Mulindavhuno o vha a si tsha tamba zwenezwino nga murahu ha u itwa muaro.
Brandon Petersen o ita zwithu zwihulwane kha u vhuya hawe, a tamba zwavhudi kha mutambo wa Amakhosi kha TS Galaxy nga 2-0 mafheloni a vhege.
Mutambi wa minwaha ya 31 o vha a sa tsha tamba ubva nga nwedzi wa Luhuhi, o xelelwa nga mitambo mitanu, hu tshi katelwa na Soweto Derby.
Musi a sa athu awela, Petersen o vha e kha fomo i mangadzaho, a tshi dzula o kuna kha mitambo yawe ya 12 kha ya 17 ya ligi.
Kaze o sumbedza ndeme ya uri mukapuṱeni wawe a vhuyelele kha thimu musi mafhelo a khalanwaha a tshi khou sendela.
“Nga ha Brandon, ndi mukapuṱeni washu na mutambi ane a ri ṋea fulufhelo vhudziki murahu,” ho amba Kaze.
“Ndi murangaphanḓa nga ngomu na nnḓa ha mudavhi, nahone ro takalela u vha nae murahu.
“Ri fulufhela uri a nga kona u vhulunga vhuimo uhu ha u tamba a tshi ya phanḓa.”
Musi Brandon Petersen o vhuya, Amakhosi i ḓo vha na fulufhelo ḽa uri u ḓo engedza maanḓa musi vha tshi ṱangana na Magesi FC Stadium tsha Old Peter Mokaba nga Ḽavhuraru.