Motaung o khoḓa vhatambi na vhagudisi vha Kaizer Chiefs

Mulanguli wa thimu ya kaizer chiefs vho kaizer motaung jr vho khoda vhatambi vha Amakhosi na thimu ya thekhinikhala kha vhuḓidini havho kha mitambo ya CAF confed cup.

Mulanguli wa Mitambo wa Kaizer Chiefs Vho Kaizer Motaung Jr vho khoḓa kushumele kwa thimu kha Tshiphuga tsha Khonfederesheni dza CAF fhedzi vha dovha vha sevha nga ha u ḓifara luvhi.

Amakhosi i khou toda poindi nthihi fhedzi uri i kone u dzhena kha round ya knockout, ngauri yo kunda Al Masry nga 1-0 hayani.

U kunda uhu hu vhea Soweto giants ntha ha tshigwada tshavho ho sala mutambo muthihi.

U kundwa Egypt kha Zamalek zwi nga ita uri vha fhedze kha vhuimo ha vhuraru arali Al Masry ya fhira Zesco United nga zwikoro zwivhili kana u fhira.

Motaung u pfa uri Chiefs i tsini vhukuma na u swika kha kotara ya vhufhelo nahone o sevha thimu yawe phanḓa ha lwendo lwa u ya Egypt.

“Ro lwa nga maanḓa na poindi tharu u itela u ri isa hune ra ṱoḓa u vha hone,” Motaung Jr o vhudza SABC Sport.

• VHALANI HAFHU: Khakhathi Kha Sundowns musi ho bvisiwa mafhungo a ndeme

Amakhosi i kha di vha kha u ṱoḓa u dzhena kha Betway Premiership fhedzi tshipikwa tshayo tshihulwane mafheloni a vhege ndi u swika kha luta lwa knockout kha CAF Confederation Cup.