Cardoso u amba nga kutambele kwa Kaizer Chiefs

Mugudisi wa thimu ya Mamelodi Sundowns o vhulahela nga ndila ye thimu yavho ya kombetshedzea u tamba na Kaizer chiefs kha mutambo wa Betway premiership.

Thimu dzo tamba u ligana nga 1-1 tshitediamu tsha Loftus nga Ḽavhuraru vhusiku, mutambo wo fhela nga vhatambi vhavhili vho iswa vhuongeloni.

Zwo thoma musi Keanu Cupido wa Sundowns a tshi raha Siphelele Ndlovu kha mukulo kha hafu ya u thoma.

Hu tendiwa uri o vhaisala vhukuma kha mukulo nga ṅwambo wa u raiwa

Mduduzi Shabalala wa Kaizer Chiefs na ene o hwalelwa vhuongeloni o huvhala kha shaḓa.

Musi vha tshi amba nga murahu ha mutambo, Vho-Miguel Cardoso vho pomoka Kaizer Chiefs uri yo   tamba luvhi.

O ṋea tsumbo ya zwe a ita musi vha tshi tamba na Orlando Pirates vhege dzi si gathi dzo fhiraho.

“Zwi a konḓa u ṋea vhupfiwa ngauri hu na zwinzhi zwine nda nga zwi amba, fhedzi ndi fanela u lingedza u ṱhonifha kha TV,” ho amba Cardoso.

“Kha ri humbule nga ha zwe zwa itea kha mutambo wa Pirates na Chiefs… Na ṋamusi ho vha na vhatambi vhavhili vhe vha vunḓea milenzhe.

“Malugwane u na mushumo wa u langa nyimele idzi.Heyi a si bola ya milenzhe ine ra khou i ṱoḓa.

“Fhedzi a thi todi u dzhena khazwo. Kha mimunithi ya 20 ya u thoma vho vha vha tshi khou sokou ri raha.”

Vho amba uri vharefiri vha fanela u lavhelela hezwi musi vha tshi khou ya u refa mitambo ya Chiefs ngauri zwo no vha zwithu zwo ḓoweleaho.

• VHALANI HAFHU :  Tee Xaba o ṱhaphudza pfunzo dzawe University of KwaZulu-Natal

Mvelelo yo thusa vhukuma Pirates sa izwi i murahu ha Sundowns nga poindi tharu musi i na mutambo.