Adolf Mtasingwa wa Chiefs o vhambedzwa na ṋaledzi ya France
Mugudisi wa kale wa thimu ya lushaka ya Tanzania, Vho Adel Amrouche, vho khoḓa vhukoni ha mutambi muswa wa Kaizer Chiefs, Adolf Mtasingwa Bitegeko.
U khoḓa ha mugudisi mutambi uyu zwo ita uri a mu vhambedze na ṋaledzi ya France Paul Pogba.
Amakhosi zwenezwino yo ḓivhadza u saina mutambi wa vhukati wa miṅwaha ya 27 u bva kha Azam FC ngei Tanzania.
O saina thendelano ya miṅwaha mivhili, na khetho ya u engedza ṅwaha.
Adolf Mtasingwa ndi ene mutambi wa u thoma wa Tanzania u ambara tshikhipha tsha kaizer chiefs.
Amrouche, we a mufha tshikhala tshawe tsha u thoma tsha u tamba kha Tanzania, uri mutambi uyu u kha di vha na khonadzeo ya u ita zwithu zwihulwane kha bola ya milenzhe.
Vho amba uri tshitaila tsha u tamba tsha Mtasingwa tshi vha humbudza Paul Pogba.
“U fana na Pogba. U na vhukoni ha u fhirisela bola u bva tsini na kule.
“Ndo mu dzhenisa kha thimu ya lushaka musi a si na thimu. U a ḓiṱukufhadza nahone u na vhukoni vhunzhi,” o engedza nga u ralo.
- VHALANI HAFHU: Ho vuwa khuḓano ya muṱani wa ha Seputla Sebogodi
Mutambi we a vha a tshi tamba nae kha tshigwada tsha Azam FC, Prince Dube, na ene u tenda uri Adolf Mtasingwa u ḓo vha thuso khulwane kha tshigwada tsha Kaizer Chiefs.