Orlando Pirates na Al Ittihad kha mutambo wa vhukonani

Orlando Pirates yo sedzana na mushumo u konḓaho musi i tshi ṱangana na Al-Ittihad ya Saudi Arabia kha mutambo wa vhukonani une wa ḓo tambelwa Sentharani ya Bola ya Milenzhe ya Banus nga Ḽavhuvhili vhusiku.

Blues i do dzhena kha mutambo nga muya wa ntha nga murahu ha musi i songo kundwa kha mitambo mivhili ya u thoma ya pre-season.

Kha mutambo wa u thoma, Orlando Pirates yo tamba 1-1 na Córdoba, nahone Boitumelo Radiopane o kora tshikoro.

Mafheloni a vhege, vhanna vha Abdeslam Ouaddou vho kunda Cádiz CF nga 2-1 .

Tshepang Moremi o kora tshikoro tshi mangadzaho musi Daniel Msendami a sa athu u kora tshikoro tsha u kunda kha Pirates.

Kha ḽiṅwe sia, Al-Ittihad yo fhedza khalanwaha ya 2025/26 i kha vhuimo ha vhuṱanu kha Saudi Pro League.

Thimu i ḓo tamba mutambo wayo wa u thoma wa phanḓa ha khalanwaha nahone i ḓo vha na vhatambi vha ngaho Steven Bergwijn, Danilo Pereira na Moussa Diaby.

Vhatambi vha Orlando Pirates vhane vha ḓo tamba: Sipho Chaine – Nkosinathi Sibisi, Lehlohonolo Seema, Deano Van Rooyen, Nkosikhona Ndaba – Sihle Nduli, Thalente Mbatha, Patrick Maswanganyi – Oswin Appollis, Tshepang Moremi, Evidence Makgopa

• VHALANI HAFHU  : Chiefs yo divhadza u sainwa ha mutambi muswa

Kha bannga: Siyabonga Dladla, Tapelo Xoki, Zulu, Deon Hotto, Sebelebele, Selepe, Mariko, Masilela, Ngwato, Padime na Mbuthuma.