Khakhathi Kha Sundowns musi ho bvisiwa mafhungo a ndeme

Mamelodi Sundowns yo sedzana na tshiwo tshihulwane tsha nga ngomu musi i tshi khou livha kha mutambo une wa nga dzhia tsheo ya vhumatshelo hayo kha Caf Champions League.

Muraḓo wa tshigwada tsha vhagudisi we a shuma lwa tshifhinga tshilapfu — miṅwaha i fhiraho fumi — o imiswa mushumoni.

Mavharivhari? Zwi vhonala uri u khou pomokwa u  bvisa mafhungo a ndeme nga ha pulane dza thimu kha vhaṱaṱisani, u ya nga muvhigo wa iDiski Times.

Muvhigo uri ṱhoḓisiso dzo sedza kha u phadalala ha mafhungo a u gudisa, pulane dza mitambo, na rekhodo dza vhatambi.

Mafhungo aya a khou ḓa nga tshifhinga tshivhi musi Sundowns i tshi khou ṱangana na thimu ya mugudisi wa kale Rulani Mokwena nga Mugivhela.

Sa izwi group C ya champions league i tshi kha di vha hone, Mokwena o dzumbulula uri u divha Mamelodi sundowns zwavhudi.

Mavharivhari a uri a nga vha o wana “thuso ya nga ngomu” kha vhe a vha a tshi tamba navho kale o ita uri mutambo wa vhuimo ha nṱha u vhe nndwa.

• VHALANI HAFHU: Kiḽaba ya PSL yo khwaṱhisedza mafhungo a tshuwisaho

“Ndi fulufhela uri mukhaedu washu a tevhelaho ha nga ḓo humbulela, kana u vha na muhumbulo wa uri ri ḓo tamba hani,” ho amba Cardoso.