Moshe o ḓivhadza iṅwe gig ya u hasha kha TV

Nga tshikalo hetshi hu si kale ri do fhelelwa nga milaedza ya u fhululedza Moshe Ndiki.

Tshifhinga tshoṱhe, u ḓivhadza gig ntswa, nahone ri a mu funa hezwi khae.

Vhege mbili dzo fhiraho, o vha a khou hasha kha South African Film and Television Awards (SAFTAs) .

Nga hetshi tshifhinga, Moshe u vha muhashi wa Mgidi Moms, mbekanyamushumo ya u thoma ya mufuda wayo ine ya ṱoḓisisa lwendo lwa  vhatukana vha vhaXhosa musi vha tshi khou shanduka vha vha vhanna.

Zwi tshi vhonala nga kha vhomme vhane vha vha tikedza kha masia othe a lwendo lwavho.

Mgidi Moms i ṋea mavhonele maswa kha mvelele ine ndi kale i tshi khou tshimbidwa nga vhanna.

Dzi ngoma dzi kha ḓi vha maitele a mvelele a ṱhonifheaho na a ndeme, nahone mushumo wa vhomme kha u lugisela, u hulisa na u pembelela tshipikwa itshi u khou bvela phanḓa na u aluwa.

U dzhenelela havho zwi sumbedza lufuno, u ḓikukumusa na ṱhonifho yo dzikaho ya vhufa.

Moshe wa talente nnzhi o vhuya na inwe show i sa tendisei. O dzhena kha Suxoka kha season yavho ya vhu 4, u thoma nga Ḽavhuṋa lino.

• VHALANI HAFHU: Tefu Mashamaite u amba nga ha Mdu Shabalala 

Moshe u do vha muhashi khathihi na mutambi wa matambwa, muthu wa TV na muimbi Motlatsi Mafatshe, we a vha e na mbekanyamushumo kha dzi season dzo fhiraho.

Kha mbekanyamushumo iyi, vhaeni vha tangana u itela u swika kha thandululo ya nyimele dzi konḓaho.