Siphiwe Tshabalala kha u sasaladzwa ha Lyle Foster 

Mutambi wa kale wa tshigwada tsha Bafana Bafana  Siphiwe Tshabalala u tenda uri mutambi wa phanḓa Lyle Foster u na zwine zwa ṱoḓa u itela u thusa thimu kha World Cup.

Mutambi wa Burnley o di wana a tshi khou sasaladzwa nga nṱhani ha fomo yawe i si yavhuḓi kha thimu ya lushaka.

U sasaladzwa hawe ho engedzea vhukuma nga murahu ha musi Bafana yo nea penalty musi i tshi tamba na Nicaragua mafheloni a vhege o fhiraho.

O  sasaladzwa nga vhafuni vhawe, vha tshi sumbedza u sa mu takalela nahone kha n zwileludzi zwa vhudavhidzani, vhaṅwe vho vhudzisa vhubvo hawe.

Fhedzi Siphiwe Tshabalala o ṱuṱuwedza Lyle Foster uri a shumise u sasaladzwa u itela u ḓiṱuṱuwedza.

U amba ngoho ha ngo fanela u zwi tendela zwi tshi fhungudza fulufhelo ḽawe, fhedzi a shume u fhumudza vhane vha khou gungula nga hae.

“A zwi takadzi u sasaladzwa, fhedzi zwi dovha zwa ṱoḓa vhuṱali ,” ho amba Tshabalala.

Siphiwe Tshabalala o sumbedza tshenzhemo ya u thoma ya Lyle Foster kha iṅwe ya ligi khulwanesa dza ḽifhasi sa vhuṱanzi ha uri a nga kona u konḓelela mutsiko.

“Kha tshigwada itshi ndi muṅwe wa vhatambi vha nṱha,” Shabba o bvela phanḓa.

“U tamba, kana o no tamba, kha English Premier League, ine ya dzhiiwa sa ligi ya khwinesa shangoni.

“Ngauralo u na tshenzhemo. Musi u tshi sasaladzwa, ndi tshithu tshine tsha fhaṱa kha mushumo wau.

• VHALANI ZWINWE: Vha Amakhosi vho ṱuṱuwedza uri vha saine ‘Lamthuthu’

“Ndi vhona unga u do wina. Ndi fulufhela uri tshifhinga tshothe musi vha tshi mu sasaladza, u do ita uri a khwinifhadze nahone ri do vhona zwavhudi khae kha World Cup,” ho engedza Tshabalala .