Zakes Bantwini na Black Coffee vho kovhelana tshiṱeidzhi

Zakes Bantwini na Black Coffee vho vhurelelana  hafhu nga murahu ha miṅwaha ya 15 vho fhambana. 

Vhaimbi vha kale vha muzika wa house Afrika Tshipembe Black Coffee na Zakes Bantwini vho fhedza vho dovha vha kovhelana tshiṱeidzhi nga murahu ha miṅwaha i fhiraho fumi vho fhambana.

Tshifhinga tshenetsho, tsho vha lwa u thoma nga murahu ha miṅwaha i ṱoḓaho u vha 15 uri vhaimbi vhavhili vha sathu tamb tsini na tsini.

U ṱangana hafhu uhu hu songo lavhelelwaho ho ṱavhanya u kunga ṱhogomelo ya vhafuni kha inthanethe.

Kha vhanzhi, zwo pfala zwi tshi nga ndi tshifhinga tsho fhelelaho, musi ri tshi sedza mushumo we vhaimbi vhenevho vhavhili vha u ita kha u vhumba mubvumo wa u thoma wa muzika wa house wa Afrika Tshipembe wa musalauno.

Nga tshifhinga tshe vha vha vha tshi shumisana, mveledziso ya Black Coffee yo vha i tshi ṱangana zwavhuḓi na u ṅwala nyimbo na maipfi a Zakes Bantwini, zwa ita uri hu vhe na u shumisana he ha sia luswayo lwa tshoṱhe.

Kha u shumisana havho  vhu sa hangwei ndi “Juju,” yo bviswaho nga 2011, ine ya kha ḓi vha iṅwe ya nyimbo khulwane dza u fhedzisela dze vha shuma khadzo vhoṱhe.

Mushumo wavho wa u thoma, ho katelwa na u shela mulenzhe kha Black Coffee’s projects sa Have Another One na Home Brewed, zwo vhea mutheo wa mubvumo une nga murahu wa ḓo ḓivhiwa nga dzitshaka.

Nga murahu ha miṅwaha, vhatsila vhoṱhe vho bvela phanḓa na u fhaṱa mishumo yo bvelelaho nga muthihi nga muthihi, zwa ita uri u sa vha hone havho lwa tshifhinga tshilapfu kha tshikhala tsha vhusiki tsha muṅwe na muṅwe zwi vhonale vhukuma.

• VHALANI HAFHU : Tsheo ya Kaizer Chiefs ya u thusa Burundi nga mugudisi

Musi vha tshi dzhia mic nga tshifhinga tsha u tamba havho ha zwenezwino, Zakes Bantwini o ṱanganedza ndeme ya u ṱangana hafhu na lwendo lwe lwa vha vhuisa murahu kha tshifhinga tshenetsho tsho ṱanganelanaho.