Sbahle Mpisane o dzumbulula uri ndi ngani o ita cosmetic surgery
Sbahle Mpisane o vula nga ha nndwa dza muthu nga eṱhe dze dza ita uri a ite cosmetic surgery.
Musi a tshi khou amba nga tshifhinga tsha nyambedzano na Thembuluwo ‘Owamie’ Netshivhazwaulu,
Muthu wa reality TV o tenda uri u dzulela u ḓivhambedza na vhaṅwe vhafumakadzi kha inthanethe zwo fhedza zwo ita uri a vhe na mbudziso nga ha mbonalo yawe.
Nyambedzano ye ya dovha ya bvelela kha Inthanethe, nga u ṱavhanya yo vusa khanedzano khulwane nga ha masiandoitwa a u tambudzwa nga inthanethe na zwiltandadi zwa lunako zwi si zwavhukuma.
Mpisane o ṱalutshedza nga ho livhaho uri u vhona vhaṅwe vhafumakadzi kha zwileludzi zwavhudavhidzani na u vhala zwine zwa ambiwa nga ha muvhili wawe zwo ita uri a pfe a songo fushea nga ha madamu awe, naho o vha a tshi ḓifulufhela nga hazwo tshifhingani tsho fhiraho.
“Ndo vha ndi tshi zwi ḓivha uri a thi na Madamu a khwine ngauri ndo vha ndi tshi ḓo vhona vhaṅwe vhathu nahone nda vha ndi tshi ri, ‘Mudzimu wanga, arali anga o vha a avhuḓi nga u ralo,’” o ralo.
O engedza nga uri naho a tshi anzela u dzumba vhunzhi ha vhutshilo hawe, vhathu vha re kha inthanethe kanzhi vha kha ḓi wana nḓila dza u sasaladza mbonalo yawe.
“A hu ḓivhei zwinzhi nga ha nṋe, fhedzi vhathu vha lingedza u wana zwine vha nga zwi amba,” o kovha.
Muaro uyu wo itwa ngei Turkey, fhethu hune ha ḓivhea vhukuma kha vhaḓivhalea vhane vha khou ṱoḓa dcosmetic surgery u bva kha u bvisa mapfura u swika kha BBL.