SAFA yo khwathisedza mugudisi ane a do suma na Mosimane kha Bafana

Vha tshiimiswa tshi langaho bola ya milenzhe fhano Afrika Tshipembe, SAFA, vho khwaṱhisedza uri ho wanala mugudisi muswa ane a ḓo shuma na Vho-Pitso Mosimane kha tshigwada tsha Bafana Bafana.

Vho-Morena Ramoreboli vha khou humela Bafana sa izwi vho nangiwa sa muthu ane a do thosana na Vho-Mosimane.

U khou dzhenakha Bafana nga murahu ha u tutshela bola ya milenzhe ya Botswana.

SAFA na Dzangano ḽa Bola ya Milenzhe ḽa Botswana (BFA) vho khwaṱhisedza tshanduko iyi, vha ri i sumbedza “vhushaka ho khwaṱhaho ha bola ya milenzhe vhukati ha mashango mavhili a vhahura.”

Ramoreboli o sia Botswana e na ifa ḽihulwane. Nga tshifhinga tsha musi a tshi khou langa Jwaneng Galaxy, o wina zwiphuga zwivhili zwa Ḽigi ya Nṱha ya Botswana.

O dovha a vha livhisa kha vhuimo ha zwigwada ha Caf Champions League luvhili.

Naho zwo ralo, zwe a zwi swikelela zwihulwane, zwo ḓa nga tshifhinga tsha mitambo ya u ṱanganedza vhatambi vha Afcon ya 2024 musi a tshi shuma sa mugudisi wa tshifhinganyana.

BFA yo amba uri Ramoreboli o shela mulenzhe nga nḓila ya ndeme na i sa hangwei kha bola ya milenzhe ya Botswana.”

Muphuresidennde wa Safa Vho-Danny Jordaan vho ri: “Ro takalela u ṱanganedza Vho-Morena Ramoreboli kha Bafana Bafana.”

• VHALANI HAFHU : Sundowns yo ​​ḓivhadza mutambi muswa ubva kha Pirates

Vho amba uri Ramoreboli u a ḓivha bola ya milenzhe ya Afrika Tshipembe, nahone u pfesesa bola ya milenzhe ya Afrika.

Safa u tenda uri tshenzhemo yawe i ḓo khwaṱhisa thimu ya Pitso Mosimane musi Bafana Bafana i tshi khou lugisela mitambo ya u ṱanganedza vhatambi vha Afcon ya 2027.