Kaze: Ro lugela vhukuma u ṱaṱisana kha khalanaha i ḓaho
Mugudisi wa Kaizer Chiefs Vho-Cedric Kaze vhari tshigwada tsha Soweto tshi do vha tsho no di lugisela u ṱaṱisana kha khalanwaha i ḓaho nga murahu ha musi tsho wana vhuimo ha vhuraru kha Betway Premiership.
Zwiṅwe hafhu, mugudisi we a dzhia vhuimo ha vhulanguli vhoṱhe vhukati ha khalanwaha u sedza phanḓa kha fulo ḽi tevhelaho nahone u tenda uri mutheo wo vhewaho u vha imisa vhuimoni havhuḓi.
“Ndi nga amba uri ro thoma zwavhuḓi mutambo, ra wana zwikhala zwivhili zwa u ḓiṋea fulufhelo ḽa u kora fhedzi ro vha ri tshi shaya u dzhia tsheo, u dzika.
“Ndi a pfesesa uri vhatambi vhanzhi vhane vha ṱhasela ho vha hu lwa u thoma vha tshi thoma mutambo nahone u a zwi ḓivha uri u a vha ṱanganya.
“Ro vhuya kha hafu ya vhuvhili ri na ndivho dza khwine dza u thasela, ro vha ri tshi khou wana zwikhala fhedzi mashudu mavhi, a ro ngo kona u kora.
“Fhedzi na zwenezwo, ndi mutambo une wa vha na tshenzhemo nnzhi we ra u ṋea vhatambi vhaswa uri vha tambe kha Premier League uri vha pfe uri ligi i hani nahone ndi na vhungoho ha uri vhumatshelo vhu ḓo vha havhuḓi kha vhenevho vhatambi .
“Mashudumavhi, a ro ngo kona u wana mvelelo ye ra vha ri tshi khou i ṱoḓa fhedzi nga u angaredza khalanwaha yavhuḓi, naho ri songo wina khaphu.
“Ndi na vhuṱanzi ha uri khalanwaha i ḓaho nga murahu ha mutheo we ra u vhea kha ino khalanwaha, khalanwaha i ḓaho ri ḓo kona na u ḓilugisela vhukuma u ṱaṱisana ,” Kaze o engedza.
Nga ha vhumatshelo hawe na uri u ḓo dzula a tshi khou langa khalanwaha i ḓaho, mugudisi ha athu zwi ḓivha.